کابل -- حداقل 99 نفر از شبه نظامیان طالبان طی عملیات های امنیتی جداگانه در ولایت های لوگر، فاریاب، و هلمند به هلاکت رسیدند.
به گزارش خامه پرس، وزارت داخله روز دوشنبه (12 جدی) اعلام کرد که طیاره های افغانستان یکشنبه 11 جدی مخفیگاه های شبه نظامیان را در ولسوالی چرخ ولایت لوگر هدف حمله قرار داده و حداقل 21 نفر از طالبان، به شمول دو قوماندان آنها را، به هلاکت رساندند.
بر بنیاد اعلان وزارت داخله، طی این حملات هوایی مقادیری اسلحه و مهمات هم منهدم گردید.
به گزارش طلوع نیوز، مسئولین محلی دوشنبه (12 جدی) گفتند که طی یک عملیات تصفیوی در ولسوالی قیصار ولایت فاریاب حداقل 26 ستیزه جوی دیگر طی مدت 24 ساعت کشته شدند.
به گزارش خبرگزاری پژواک افغان، برید جنرال ولی جان احمدزیل، قوماندان قول اردوی 215 میوند، دوشنبه (12 جدی) گفت که قوای امنیتی حداقل 52 نفر از طالبان را طی 24 ساعت در ولایت هلمند به هلاکت رساندند.
