2017-06-19 | امنیت

افغان ځواکونو په توره بوړه کې د داعش له خوا نیول شوي سوري کلابند کړل

سلام ټایمز

وروسته له هغه چې د داعش اورپکو تېره اونۍ له طالبانو څخه د سیمې کنټرول ترلاسه کړ، افغان ځواکونه په چټکۍ سره هلته ور وخوځېدل او د سوریو د سلسلې د نیولو لپاره یې جګړه پیل کړه.


افغان امنیتي ځواکونه د جون په ۱۶مه په ننګرهار ولایت کې د پچیر او اګام ولسوالۍ په توره بوړه کلي کې د داعش د اورپکو پر ضد د یوه عملیات په ترڅ کې ګزمه کوي. [نورالله شېرزاده/ ای اېف پي]

افغان امنیتي ځواکونه د جون په ۱۶مه په ننګرهار ولایت کې د پچیر او اګام ولسوالۍ په توره بوړه کلي کې د داعش د اورپکو پر ضد د یوه عملیات په ترڅ کې ګزمه کوي. [نورالله شېرزاده/ ای اېف پي]

کابل -- د خامه پرېس د راپور له مخې، د دفاع وزارت ویاند جنرال دولت وزیري د دوشنبې په ورځ / د جون ۱۹مه/ وویل، افغان امنیتي ځواکونو د ننګرهار ولایت د تورې بوړې د غرنۍ سیمې ډېره برخه د داعش له اورپکو څخه پاکه کړې ده.

د امریکاغږ د دري څانګې د راپور په اساس، د افغان ملي اردو ویاند شیرین اغا فقیري وویل، چې افغان ځواکونو په پچیر او اګام ولسوالۍ کې د الف خېلو سیمه ازاده کړې او د ټولې سیمې د تصفیې لپاره پرمخ روان دي.

د محلي پولیسو یوه قوماندان نواز امریکاغږ دري ته وویل، افغان ځواکونه لا تر اوسه پورې د تورې بوړې د سوریو سلسلې ته نه دي رسېدلي، او زیاته یې کړه چې، «د عسکرو او تورې بوړې تر منځ ډېر کلي د حکومت تر کنټرول لاندې دی.»

د پچیر او اګام ولسوالۍ سرپرست هجرت الله له امریکاغږ دري سره په خبرو کې تایید کړه، چې، «یوازې لږه سیمه پاتې ده چې افغان ځواکونه د تورې بوړې کنټرول په لاس کې واخلي،»

د داعش پر ضد عملیاتو ته د څلورم سېلاب ۷ نمبر نوم ورکړل شوی دی.

د خامه پرېس د راپور په اساس، وزیري وویل، چې افغان سرتېرو په سیمه کې اورپکو ته درانه تاوانونه وراړولي دي.

د ننګرهار د والي د دفتر په وینا، افغان امنیتي ځواکونو چې دغه عملیات ترسره کوي د تلفاتو په هکله راپور نه دی ورکړی.

مقامات په دې فکر کوي چې د عملیاتو له پای ته رسېدلو څخه وروسته توره بوړه څنګه خوندي وساتي.

د راپورونو له مخې، هغوی پلان لري چې محلي ملېشې جوړې کړي او سیمې ته پولیس او نظامي پوستې ور پراخې کړي.

سخته جګړه

د داعش جنګیالیو د جون په ۱۵مه، توره بوړه، چې د افغانستان په ختیځ کې په غرونو کې د سوریو یوه سلسله په کې موجوده ده، ونیوله.

په ورپسې ورځ، سمدلاسه افغان ملي دفاعي او امنیتي ځواکونو په سیمه کې د داعش پر ضد عملیات پیل کړل.

طالبان او د داعش اورپکي د افغانستان په بېلابېلو برخو کې په جګړه کې ښکېل دياو د ملکي خلکو ژوند او ژواک یې له خطرونو سره مخامخ کړي دي.

دغه دواړه ډلې له ملکي خلکو څخه د نغدو پیسو او نورو ملکیتونو په غصبولو سره د خپلو ترهګریزو فعالیتونو لپاره ملاتړ ترلاسه کوي.

آیا دا لیکنه ستاسو خوښه شوه؟

Ca mobile no 6

تبصره

* ضروري برخې ښيي
Captcha

د رایو شمېر

د پاکستان - افغانستان د سرحد په اوږدو کې جوړېدونکي کټاره به د اورپکو د حرکت په کنټرول کې څومره مؤثره وي؟‌

نتایج وګورئ