امنیت

|

غني له طالبانو سره د سولې د خبرو پلان څرګند کړ

ای اېف پي


ولسمشر اشرف غني (منځ کې)، افغانې لومړۍ مېرمنې رولا غني (چپ ته) او د اندونیزیا د ولسمشر مرستیال جوزوف کالا (ښي ته) د فبرورۍ په ۲۸ مه په کابل کې د کابل پروسې په دویم کانفرانس کې برخه اخیستې ده. [د افغان ولسمشر ماڼۍ]

ولسمشر اشرف غني (منځ کې)، افغانې لومړۍ مېرمنې رولا غني (چپ ته) او د اندونیزیا د ولسمشر مرستیال جوزوف کالا (ښي ته) د فبرورۍ په ۲۸ مه په کابل کې د کابل پروسې په دویم کانفرانس کې برخه اخیستې ده. [د افغان ولسمشر ماڼۍ]

کابل -- افغان ولسمشر اشرف غني د چارشنبې په ورځ /د فبرورۍ ۲۸ مه/ له طالبانو سره د سولې د خبرو له پلان څخه پرده پورته کړه، او بالاخره یې وویل چې حاضر دی هغوی د یوه سیاسي ګوند په توګه په رسمیت وپېژني. د اورپکو دغې ډلې څو ورځې مخکې له متحده ایالاتو سره د مخامخ خبرو اترو ترسره کولو غږ کړی وو.

غني دا چوکاټ، د چارشنبې په ورځ د کابل بهیر په نامه د سولې کانفرانس په دویمه مرحله کې، چې هدف یې افغانستان ته د سولې راوستل دي، څرګند کړ. د ۲۵ هېوادونو استازو په دې کانفرانس کې برخه اخیستې وه، چې د ترهګرۍ پر ضد او د شخړې د حل په ستراتیژیو یې خبرې اترې وکړې.

هغه د اوربند غږ وکړ، چې ترهغه وروسته کیدای شي چې طالبان یو سیاسي ګوند شي او په انتخاباتو کې سیالي وکړي.

غني د تېر وخت د وړاندیزونو په څېر خبرو کې وویل، «په کار دی چې اوربند وشي، طالبان باید د یوه سیاسي ګوند په توګه په رسمیت وپېژندل شي او د اعتماد جوړونې یوه پروسه باید پیل شي،»

غني د خبرو پیلولو لپاره د تېر په څېر وویل، په مقابل کې یې طالبان باید حکومت او اساسي قانون په رسمیت وپېژني.

پرېکړه د طالبانو په لاس کې ده

هغه وویل، «اوس پرېکړه ستاسو په لاسونو کې ده؛ سوله قبوله کړئ... او راځئ چې دې هېواد ته ثبات راوړو،»

د دوشنبې په ورځ /د فبرورۍ ۲۶ مه/،طالبانو وویل، چې هغوی دې ته چمتو دي چې له متحده ایالاتو سره مستقیمې خبرې اترې پیل کړياو له ۱۶ کالو څخه د اوږدې جګړې لپاره «یو سوله ییز حل» ومومي.

پاکستاني ژورنالست او د طالبانو د چارو تحلیلګر رحیم الله یوسفزي وویل، «په طالبانو کې ځینې خلک شته چې باور لري چې هغوی باید له افغان حکومت سره خبرې اترې وکړي،»

هغه وویل، اورپکو ته د متحده ایالاتو تر نوې ستراتيژۍ لاندې، چې هوایي بریدونه او د کمانډو چاپې په کې زیاتې شوي، درانه تلفات وراوښتي دي.

یوسفزي وویل، له تاوانونو ور رسېدلو سره سره به دغه ګروپ یاغیتوب ته دوام ورکړي. هغه وویل، «هغوی د جګړې د دوام لپاره قدرت له خپلو مهارتونو څخه اخلي،»

آیا دا لیکنه ستاسو خوښه شوه؟

Ca mobile no 17

0 تبصره

* ضروري برخې ښيي
Captcha

مهم خبرونه

طالبانو په فاریاب کې ښځې او ماشومان په یخنۍ کې له کورونو څخه واېستل

اورپکو خواوشا ۲۰۰ کورنۍ، چې غړي یې له افغان امنیتي ځواکونو سره کار کوي، مجبورې کړې چې په یخنۍ کې خپل کورونه پرېږدي.

د رایو شمېر

تاسو په څومره احتمال باور لرئ چې د سولې روانې هڅې به بریالۍ وي؟

نتایج وګورئ