امنیت

|

د ایتلاف تجربه کار سلاکاران افغان عسکر په مهمو برخو کې پیاوړي کوي

ای اېف پي


د امریکا د سمندري ځواک یو سلاکار د ۱۳۹۶ د زمري په ۱۷مه د افغانستان په شورابک کمپ کې د افغان ملي اردو عسکرو ته د ډزو کولو مناسب تخنیکونه ور ښیي، چې د افغان عسکرو د یوه پلي کنډک جنګي وړتیاوې پیاوړې کړي. [د متحده ایالاتو د سمندري ځواک د قول اردو عکس چې ضابط لوکاس هوپکېنس اخیستی دی]

د امریکا د سمندري ځواک یو سلاکار د ۱۳۹۶ د زمري په ۱۷مه د افغانستان په شورابک کمپ کې د افغان ملي اردو عسکرو ته د ډزو کولو مناسب تخنیکونه ور ښیي، چې د افغان عسکرو د یوه پلي کنډک جنګي وړتیاوې پیاوړې کړي. [د متحده ایالاتو د سمندري ځواک د قول اردو عکس چې ضابط لوکاس هوپکېنس اخیستی دی]

کابل -- د متحده ایالاتو د مجربو عسکرو یو غونډ په وروستیو ورځو کې افغانستان ته را ورسېد چې خپلو افغان شریکانو ته د روزنې یو نوی ډول -- او همدارنګه انګېزه -- ورکړي.‌

د امنیتي ځواک په لومړي مرستندوی غونډ (SFAB) کې ډېرو عسکرو په افغانستان کې جنګي ماموریتونه ترسره کړي، له خصوصي روزنې څخه وروسته یوه اندازه په پښتو یا دری خبرې کوي -- او اوس یې ځانونه په رضاکار ډول بیا ستنېدلو ته تیار کړي دي.‌

دا واحد د تلې په میاشت کې جوړ او د سلواغې په ۱۹مه فعال شو.

په کابل کې د ناټو د قاطع ماموریت یوه ویاند او د سمندري ځواک جګړن ټام ګرېسبک ای اېف پي ته وویل، «هغوی دلته راځي ځکه چې هغوی دې ماموریت ته لېوالتیا لري،»

د متحده ایالاتو د دفاع وزارت له لسیزو راهیسې په بېلابېلو شخړو کې شریکباڼو ځواکونو ته روزنه ورکړې، او په وروستیو کلونو کې د داعش پر ضد د محلي ځواکونو بریالیتوبونو دغه قاعده بریالۍ ثابته کړې ده.‌

شریکباڼي په لومړیو کرښو کې

هغه څه، چې د امنیتي ځواک مرستندوی غونډ (SFAB) له پخوانیو هغو څخه جلا کوي، دا دی چې امریکایي عسکر په کې د تېرو کلونو د روزونکیو په نسبت د جګړې له لومړیو کرښو سره د نژدې ګزمې کولو هوډ لري -- او په دې توګه هغوی له ډېر خطر سره مخامخوي.

هغوی به له افغانانو سره مرسته وکړي چې د نښه ویشتنې او د وسلو په برخه کې د روزنې په شمول بېلابېل مهارتونه پیاوړي کړي، او نظامي ډاکتران به افغان شریکباڼو ته دا وروښیي چې د جګړې په ډګر کې د ور رسېدلې ضربې په وړاندې څنګه په بهتر ډول چلند وکړي.‌

او، مهمه دا چې، افغانان به دا زده کړي چې څنګه د هوایي بریدونو غوښتنه وکړياو څنګه د ځمکنې د پاکونې عملیات ترسره کړي.

ګرېسپک وویل، «هدف دا نه دی چې د افغانانو لپاره جنګ وشي بلکې دا چې دغه د افتخار وړ عسکر داسې وروزل شي چې هغوی وګوري چې هغوی څنګه د خپلو ځانونو لپاره جنګ وکړي،»

لس، لس امریکایي عسکر به د کنډک په سطحه سره یوځای شي -- کنډکونه معمولا له ۳۰۰ - ۴۰۰ عسکرو څخه تشکیل شوي وي -- او هغوی به د هلمند او ننګرهار ولایتونو په شمول، چې طالبان او داعش په کې جنګونه کوي، د افغانستان په بېلابېلو برخو کې ځای پرځای شي.

د ناټو او امریکا له خوا د افغان ځواکونو روزنه تر ډېره د کمانډو له خوا ترسره کیږي او د معمول واحدونو په نسبت د افغانستان په ځانګړیو ځواکونو باندې متمرکزه ده.

د ۲۰۱۴ تر پایه پورې، په افغانستان کې ډېر امنیت د ناټو عسکرو نیولی وو، خو په ۲۰۱۵ کال کې، د لویدیځو ځواکونو له وتلیو څخه وروسته، دا مسؤلیت پخپله افغان عسکرو ته وسپارل شو.‌

د طالبانو په شا تمبول

امریکایي مبصران وایي، چې د امنیتي ځواک مرستندوی غونډ (SFAB)چې د هوایي بریدونو ګړندیتوب ورسره مل وي،او د پاکستان په شمول د سیمې لپاره یوه پراخه ستراتیژي، به له افغانانو سره مرسته وکړي چې طالبان په شا وتمبول شي.

چارواکي وایي چې د افغان وګړو ۶۴٪ په داسې سیمو کې ژوند کوي چې اوس د افغان حکومت له خوا کنټرولېږي، ۱۲٪ د طالبانو تر کنټرول لاندې سیمو کې اوسېږي او پاتې نور په داسې سیمو کې اوسېږي چې کشمکش پرې روان دی.‌

هغوی داسې هدف نیولی چې په دوه کلونو کې دننه د حکومت تر کنټرول لاندې وګړو شمېر ۸۰٪ ته پورته کړي.

د متحده ایالاتو د دفاع وزیر جیم متیس په وروستیو کې وویل، «ما د روزنې د پروګرام کتنه کړې ده،»

«تر ټولو مخکې، د تجربې او انتخاب په برخه کې د دغو عسکرو کیفیت،‌ او دویم، روزنه ماته ډېر اطمینان راکوي.»

آیا دا لیکنه ستاسو خوښه شوه؟

Ca mobile no 0

تبصره

* ضروري برخې ښيي
Captcha

مهم خبرونه


د سنګوریانو ډلې غړي د مرغومي په ۱۹ مه د هلمند ولایت د نادعلي ولسوالۍ په لوی باغ سیمه کې د افغان ملي اردو او محلي پولیسو سره څنګ په څنګ په تصفیوي عملیاتو کې برخه اخلي. [ضیا ثمر]

د سنګوریانو ډله: په هلمند کې د طالبانو لپاره یو وحشتناک خوب

ځایي چارواکي او قومي مشران وایي، طالبان د یوه پټ ګروپ له وېرې، چې د افغان حکومت له خوا حمایه کیږي او د اورپکو پر ضد جنګ کوي، د شپې خوب نشي کولی.‌

د رایو شمېر

څومره امکان شته چې طالبان به په تلې میاشت کې د ولسي جرګې له ټاکنو څخه مخکې له افغان حکومت سره د سولې خبرې پیل کړي؟

نتایج وګورئ