امنیت

|

د سنګوریانو ډله: په هلمند کې د طالبانو لپاره یو وحشتناک خوب

د ضیا ثمر راپور

یوې ډلې، چې په پټه په هلمند ولایت کې د طالبانو پر ضد جګړه کوي، د یاغیانو تر منځ‌ وېره او ګډوډي رامنځته کړې ده.‌ د دې ډلې غړي د طالب جنګیالیو په څېر ښکاري -- هغوی اوږدې ږیرې لري، او د طالبانو په څېر تورې پګړۍ په سروي، او په سپکو او درنو وسلو سمبال دي. [ضیا ثمر]

هلمند -- یوه ډله، چې په هلمند ولایت کې د طالبانو پر ضد پټ جنګ کوي، د اورپکو د جنګیالیو تر منځ د وېرې او ګډوډۍ سبب شوې ده.

د «سنګوریان» ګروپ -- چې نوم یې د یوې ترکۍ تلوېزیوني ډرامې د پټو فعالانو له ډلې څخه اخیستل شوی -- له محلي اوسېدونکیو څخه تشکیل شوی او افغان حکومت یې ملاتړ کوي.‌

د دې ډلې غړي د طالب جنګیالیو په څېر ښکاري -- هغوی اوږدې ږیرې لري، او د طالبانو په څېر تورې پګړۍ په سروي، او په سپکو او درنو وسلو سمبال دي.


د سنګوریانو ډلې غړي د مرغومي په ۱۹ مه د هلمند ولایت د نادعلي ولسوالۍ په لوی باغ سیمه کې د افغان ملي اردو او محلي پولیسو سره څنګ په څنګ په تصفیوي عملیاتو کې برخه اخلي. [ضیا ثمر]

د سنګوریانو ډلې غړي د مرغومي په ۱۹ مه د هلمند ولایت د نادعلي ولسوالۍ په لوی باغ سیمه کې د افغان ملي اردو او محلي پولیسو سره څنګ په څنګ په تصفیوي عملیاتو کې برخه اخلي. [ضیا ثمر]


د سنګوریانو ډلې جنګیالي د ۱۳۹۵ د غوایي په ۲۹ مه، د هلمند ولایت د ناوې ولسوالۍ په تریخ ناور سیمه کې طالب اورپکو ته په کمین کې انتظار کوي. [ضیا ثمر]

د سنګوریانو ډلې جنګیالي د ۱۳۹۵ د غوایي په ۲۹ مه، د هلمند ولایت د ناوې ولسوالۍ په تریخ ناور سیمه کې طالب اورپکو ته په کمین کې انتظار کوي. [ضیا ثمر]


له یوې ویډیو څخه اخیستل شوی عکس د کب په ۲ مه سنګوریان جنګیالي ښیي، چې د هلمند ولایت د ګرېشک ولسوالۍ په آب پشک سیمه کې ځای پرځای شوي دي.

له یوې ویډیو څخه اخیستل شوی عکس د کب په ۲ مه سنګوریان جنګیالي ښیي، چې د هلمند ولایت د ګرېشک ولسوالۍ په آب پشک سیمه کې ځای پرځای شوي دي.

سنګوریان ډله د۱۳۹۴ په مرغومي کې د ملي امنیت ریاست په مرسته رامنځته شوه او اوس د هلمند ولایت په مرکز لښکرګاه، او همدارنګه په نادعلي او ناوه ولسوالیو کې جګړه کوي.

د لښکرګاه په مختار سیمه کې د سنګوریانو د ډلې قوماندان عزت الله مجاهد سلام ټایمز ته وویل، «څو چې زمونږ په بدن کې یو څاڅکی وینه هم وي، مونږ به د الله د رضا لپاره د منافقو طالبانو پر ضد جګړه وکړو،»

هغه وویل،‌ «ټول ملکي خلک له مونږ سره همکاري کوي. قومي مشران او پخواني مجاهدین له مونږ سره ملګري دي،»

«مونږ له دې پرته چې د دې هېواد دښمنان -- د ایران غلامان، د روسیانو بچیان ورک کړو نور هېڅ هدف نه لرو. زه نه جنرالي غواړم نه ډګروالي -- زه یوازې دا غواړم چې د خپلو خلکو خدمت وکړم.»

د طالبانو لپاره یو 'لوی سرخوږی'

د سنګوریانو ډلې نه یوازې د امنیت په ټینګولو، بلکې همدارنګه د طالب جنګیالیو تر منځ د بې اعتمادۍ په رامنځته کولو کې هم خپل رول ثابت کړی دی.‌

له لښکرګاه څخه یوه قومي مشر حیات الله جمال وویل، طالب جنګیالي له دغه ګروپ څخه سخت وېرېږي.

هغه سلام ټایمز ته وویل، «طالبان حتی د یوې شپې لپاره په هلمند کې په هېڅ ځای کې هم د سنګوریانو ډلې له وېرې ارام نشي کولی،»

هغه وویل،«تر اوسه پورې دوه کاله کیږي، خو مونږ له سنګوریان ډلې څخه ناوړه چلند نه دی لیدلی. هغوی ملکي خلکو ته هېڅ زیان نه دی ور رسولی او نه یې له ملکي خلکو نه پیسې اخیستي دي.»

هغه وویل، «هغوی ډېر امنیت راوستی دی. مونږ له هغوی سره خوشحال یو. هغه څوک، چې د سنګوریانو پر ضد تبلیغات کوي، هغه د اورپکو جاسوسان دي.»

د لښکرګاه یوه اوسېدونکي محمد ظریف بارکزي، چې ۵۳ کاله عمر لري، سلام ټایمز ته وویل، «له هغه وخت راهیسې چې سنګوریان راغلي او دلته توظیف شوي، طالبان له دې ځای څخه منع شوي دي. دا ډله د طالبانو لپاره یو غټ سرخوږی دی، او هغه د هغوی لپاره په هرځای کې په سرخوږي بدله شوې ده.»

په ناوه ولسوالۍ کې یوه دوکاندار محمد ولي بارک سلام ټایمز ته وویل، «له دې امله چې طالبانو ملکي خلک وېرول او له دې امله چې هغوی له ورانولو څخه پرته نور هېڅ نه کول... خلک د خپلو امنیتي ځواکونو تر څنګ ودرېدل،»

هغه وویل، «سنګوریانو وکولی شوای چې له ډېرو سیمو څخه طالبان وباسي،»

یوه قومي مشر او د ولسوالۍ د شورا د دفاعي کمېټې آمر عبدالخالق وویل، «د سنګوریانو ډلې... شپه او ورځ هڅه وکړه چې دلته په ګرېشک کې طالبان وځپي او هغوی دښمن ته ماتې ورکړه،»

هغه سلام ټایمز ته وویل، «اوس دښمن وېرېدلی دی، او نشي کولی چې په ارامه خوب وکړي.‌ هغوی نشي کولی چې بیا په ازاد ډول فعالیت وکړي.»

طالبان مات او وځپل شول

په هلمند کې د ملي امنیت ریاست یوه چارواکي د نوم نه ښودلو په شرط سلام ټایمز ته وویل، د سنګوریانو ډلې یو شمېر مخور طالبان د جنګ له کرښو څخه را اېستلي او اوس هغوی د حکومت په توقیف کې دي.‌

هغه وویل، «دې ډلې په نوزاد، واشېر، موسی کلا او نادعلي ولسوالیو کې په مخامخ جګړو کې د طالبانو یو شمېر مشهورې ډلې له منځه وېوړې. د غوایي په ۲۰ مه په موسی کلا ولسوالۍ کې ۴ مخور طالبان ونیول شول، او اوس هغوی له مونږ سره په توقیف کې دي.»

هغه وویل،‌«دې ډلې د طالبانو د ملا تیر مات کړی دی او اوس طالبان یو په بل باور نه کوي،»

د هلمند د والي ویاند عمر ځواک سلام ټایمز ته وویل، «سنګوریان ډلې سیمې ساتلي او یاغیانو ته یې ماتې ورکړي دي،»

هغه وویل، «سنګوریانو له ملي امنیتي ځواکونو سره مرسته کړې، په لیرې پرتو سیمو کې یې د طالبانو پر ضد مخامخ جګړې کړي او ښه نتایج یې ترلاسه کړي دي،»

آیا دا لیکنه ستاسو خوښه شوه؟

Ca mobile no 49

10 تبصره

* ضروري برخې ښيي
Captcha
جمعه ګل نیکمل | 09-04-2018

صفت الله زاهدي تکړه او نوښتګر فعاله خبریال دی موږ یی ملاتړ کوو.

ځواب ورکړئ
نوراحمد اېمل | 09-04-2018

صفت الله زاهدي وړ او فعاله ځوان خبريال دی زما رايه د ښاغلي زاهدي صاحب ده .

ځواب ورکړئ
ابراهیم ذکي | 08-22-2018

زاهدي صاحب یو تکړه خبریال دی موږ یې ستایو اود بریالپاره یې دُعاکوو

ځواب ورکړئ
صفت الله زاهدی | 08-18-2018

دیرشه

ځواب ورکړئ
Nasim Noorzai | 08-18-2018

زه صفت الله زاهدي ته رایه ورکوم.‌

ځواب ورکړئ
Nasim Noorzai | 08-18-2018

ښه، جالب او بې جوړې خبرونه.‌

ځواب ورکړئ
متین‌ | 08-17-2018

ذاهدی صاحب یو تکړه او با جرات خبر نګار دی

ځواب ورکړئ
عتیق اللہ | 08-17-2018

پدی راپور کی واقعتونہ شکارہ سویدی، چی تر دیرہ حدہ ملت نہ وو پہ خبر ، زاھدی مننہ

ځواب ورکړئ
طالب | 08-17-2018

مننه

ځواب ورکړئ
خان آغا سيال | 08-16-2018

سلامونه او نيکې هيلې: صفت الله ذاهدي ورور تکړه خبريال دى او همدعرنګه د خبر ليکنې په برخه کې کووم سبک چې کاروي ډير په زړه پورې دى، دښکلې سبک تر څنګ نوښتګر او د ښه قلم او ذوق خاوند دى.

ځواب ورکړئ

مهم خبرونه

افغان حکومت د را روانو انتخاباتو د خوندي کولو لپاره کمپاین پیل کړ

د دفاع وزارت د کورنیو چارو وزارت، د ملي امنیت ریاست او نورو امنیتي ادارو سره په ګډه کار کوي چې د انتخاباتو امنیتي پلان تطبیق کړي.

د رایو شمېر

آیا کېدای شي چې د روسیې په هڅو طالبان او افغان حکومت د سولې یوې دوامدارې هوکړې ته ورسېږي؟‌

نتایج وګورئ