تروريزم

|

په کابل هوایي ډګر د داعش د برید د تلفاتو شمېر ۲۳ تنو ته پورته شو

ای اېف پي

د داعش یوه ځانمرګي بمي بریدګر د یکشنبې په ورځ /د چنګاښ ۳۱ مه/ لږ تر لږه ۲۳ کسان د کابل د نړیوال هوایي ډګر په دروازه کې هغه وخت ووژل چې په سلګونو کسان هلته د دې لپاره راټول شوي ول چې له تبعید څخه هېواد ته د افغان ولسمشر د مرستیال عبدالرشید دوستم راتګ ته هرکلی ووایي. [نصرالله عطار/نورالله شېرزاده/ای اېف پي ټي وي/ای اېف پي]

کابل -- د روغتیا وزارت د دوشنبې په ورځ /د زمري ۱/ وویل، چې د کابل نړیوال هوایي ډګر سره نژدې د یوه ځانمرګي برید په نتیجه کې د وژل شویو کسانو شمېر ۲۳ ته زیات شوی دی.

په دې زوروره چاودنه کې، لږ تر لږه ۱۰۷ کسان د یکشنبې په ورځ /د چنګاښ ۳۱ مه/ ټپیان شول. چاودنه هغه وخت وشوه چې په سلګونو افغانان له تبعید څخه وطن ته د ولسمشر د لومړي مرستیال عبدالرشید دوستم ته له ښه راغلاست ویلو څخه وروسته له هوایي ډګر څخه بېرته روان ول.‌

د روغتیا وزارت خبرداری ورکړی وو چې وروستی شمېر، چې په پیل کې ۱۴ مړه او ۶۰ ټپیان ول، کیدای شي تغیر وکړي.


یوه ورځ وروسته له هغه چې کابل هوايي ډګر ته څېرمه په یو ځانمرګي برید کې د ای ایف پي موټر چلونکی اختر محمد ووژل شو، د هغه خپلوان، همکاران او ملګري د جولای په ۲۳مه کال ۲۰۱۸ په کابل کې په یو لړ مراسمو کې هغه خاورو ته سپاري. یو دیرش کلن اختر محمد چې د څلورو ماشومانو پلار ؤ، د ۲۳ کسانو له ډلې څخه یو ؤ چې پدې پېښه کې ووژل شو.

یوه ورځ وروسته له هغه چې کابل هوايي ډګر ته څېرمه په یو ځانمرګي برید کې د ای ایف پي موټر چلونکی اختر محمد ووژل شو، د هغه خپلوان، همکاران او ملګري د جولای په ۲۳مه کال ۲۰۱۸ په کابل کې په یو لړ مراسمو کې هغه خاورو ته سپاري. یو دیرش کلن اختر محمد چې د څلورو ماشومانو پلار ؤ، د ۲۳ کسانو له ډلې څخه یو ؤ چې پدې پېښه کې ووژل شو.


پلي خلک د چنګاښ په ۳۱ مه په کابل کې له ځاني تبعید څخه د ولسمشر د لومړي مرستیال جنرال عبدالرشید دوستم له را رسېدلو څخه مخکې له یوه بینر سره، چې د هغه عکس پرې لګېدلی دی، نژدې تېرېږي. [نورالله شېرزاده/ای اېف پي]

پلي خلک د چنګاښ په ۳۱ مه په کابل کې له ځاني تبعید څخه د ولسمشر د لومړي مرستیال جنرال عبدالرشید دوستم له را رسېدلو څخه مخکې له یوه بینر سره، چې د هغه عکس پرې لګېدلی دی، نژدې تېرېږي. [نورالله شېرزاده/ای اېف پي]


په کابل کې د حامد کرزي نړیوال هوایي ډګر د ۱۳۸۷ د تلې په میاشت کې لیدل کیږي. [کارل مونتګومیري/فلېکر]

په کابل کې د حامد کرزي نړیوال هوایي ډګر د ۱۳۸۷ د تلې په میاشت کې لیدل کیږي. [کارل مونتګومیري/فلېکر]

د SITE د استخباراتو د څارنې ګروپ وایي، چې داعش د اعماق د تبلیغاتي ادارې له لارې د برید مسؤلیت منلی دی.‌

د کورنیو چارو د وزارت ویاند نجیب دانش وویل، چې ځانمرګی بمي بریدګر په پښو روان وو، او زیاته یې کړه چې په تلفاتو کې د ماشومانو په شمول ملکي خلک او امنیتي منسوبین شامل دي.

جیګپوړي افغان حکومتي چارواکي، سیاسي مشران او ملاتړي هوایي ډګر ته د دې لپاره تللي ول چې دوستم ته ښه راغلاست ووایي.

هغه په یوه زغره وال موټر کې سفر کاوه او په لږ څه کې له برید څخه بچ شو.

دوستم د ۱۳۹۶ د غوایي په میاشت کې وروسته له هغه ترکیې ته وتښتېد چې د یوه سیاسي سیال د جنسي زورونې او شکنجې تور پرې ولګول شو.‌

هغهتورونه رد کړلاو ویې ویل چې د هغه تګ د روغتیایي درملنې او د کورنیو مصروفیتونو لپاره وو.‌

د دوستم ۷ ساتونکي په ۱۳۹۵ کېد جوزجان ولایت د پخواني والي احمد اېشچي د جنسي زورولو او ناقانونه بندي کولو په تور محاکمه شول.‌

آیا دا لیکنه ستاسو خوښه شوه؟

Ca mobile no 8

0 تبصره

* ضروري برخې ښيي
Captcha

مهم خبرونه

په ننګرهار کې مقاماتو ارزښتناکه ځمکه، چې له اوږدې مودې راهیسې د طالبانو تر ولکې لاندې وه، ونیوله

طالب اورپکو له څو کالو راهیسې په بټي کوټ ولسوالۍ کې په یوه سیمه باندې کنټرول درلود، او د هغې حاصلات یې ټولول چې ځایي اوسېدونکي یې د معیشت د ترلاسه کولو په برخه کې له ستونزو سره مخامخ کړي ول.‌

د رایو شمېر

تاسو په افغانستان کې د ولسي جرګې وروستیو انتخاباتو ته په څه نظر ګورئ؟‌

نتایج وګورئ