http://afghanistan.asia-news.com/ps/articles/cnmi_st/features/2019/03/29/feature-02
| د ښځو حقوق

رباني وایي له طالبانو سره په خبرو کې د افغان ښځو حقونه 'مطلقه سره کرښه' ده

ای اېف پي

د افغانستان د بهرنیو چارو وزیر صلاح الدین رباني د مارچ په ۱۰مه په کابل کې له یوې کتنې څخه وروسته د بهرنیو چارو د وزارت د مراقبت ښځینه کارمندانو سره یوه ګروپي عکس ته ولاړ دی. [صلاح الدین رباني/فېسبوک]

برلین، جرمني -- د افغانستان د بهرنیو چارو وزیر صلاح الدین رباني وویلي چې د ښځو حقونه له طالبانو سره د سولې په مذاکراتو کې د افغان حکومت لپاره یوه «مطلقه سره کرښه» جوړوي.

رباني د سې شنبې په ورځ /د وري ۶ مه/ بېلډ ورځپاڼې ته وویل، «د نجونو په تعلیم باندې به هېڅ ډول بندیزونه نه وي --» مونږ به هغه څه قرباني نه کړو چې په تېرو ۱۸ کالو کې مو لاسته راوړي،هغه په قطر کې د سولې خبرو څخه قوي ملاتړ څرګند کړ.

هغه وویل، «د دې شخړې او دغو ستونزو د پای ته رسولو یوازنۍ لاره خبرې اترې دي،»

د هرات ولایت د بېلابېلو ولسوالیو له ۲۰۰ څخه ډېرې ښځې د مارچ په ۱۳مه په هرات ښار کې د والي د دفتر مخې ته راټولې شوي، او پر طالبانو غږ کوي چې جګړه پای ته ورسوي. لاریونوالو غوښتنه کوله چې د سولې په خبرو کې دې د هغوی لاسته راوړنې له پامه نه غورځول کیږي. [عمر]

رباني تاکید وکړ چې خبرې «په هېواد کې د طالبانو د رژیم د بیا راژوندي کولو لپاره نه دي».

نه تسلیمېدل

هغه وویل، «راځئ چې خبره پاکه وکړو -- کله چې مونږ د سولې خبره کوو،‌ د دې معنی دا نه ده چې مونږ تسلیمېږو،»

هغه زیاته کړه،‌«که مونږ په افغانستان کې سوله، ثبات او بهرنۍ پانګونه ولرو، بیا به خلک د جرمني په نیت افغانستان نه پرېږدي. هغوی به هلته پاتې شي. له دې امله،‌ د سولې پروسه ډېره مهمه ده.»

د خبرو د وروستي پړاو په ترڅ کې، چې د کب په ۲۵مه په دوحه کې پای ته ورسېد، د متحده ایالاتو استازي زلمي خلیلزاد وویل چې، «پرمختګ کېږي» خو ډېر نور څه کولو ته لا اړتیا ده .

رباني بېلډ ته وویل،‌ جرمني، چې په افغانستان کې پوځي حضور لري،‌ کولی شي چې د سولې د خبرو د درېیم پړاو کوربه توب وکړي.‌

هغه وویل، «لکه څنګه چې وزیر [د جرمني د بهرنیو چارو وزیر هیکو ماس] په وروستیو کې وویل، جرمني دې ته تیار دی چې د سولې خبرو ته ښه راغلاست ووايي. افغان حکومت د دې ستاینه کوي. کله چې هغه وخت راورسېږي، مونږ به پخپله خپل جرمني ملګري خبر کړو.»

آیا دا لیکنه ستاسو خوښه شوه؟
6
نه
2 تبصره
د تبصرو تګلاره
Captcha
| 05-23-2019

دا لیکنه زما خوښه شوه.‌

ځواب ورکړئ
| 04-13-2019

د سولې خبرو معنی دا نه ده چې ټول حکومت دې طالبانو ته په لاس ورکړل شي. هغه باید داسې وي لکه نور ګوندونه چې له حکومت سره یوځای شول. ګلبدین حکمتیار هم د روسانو د یرغل پر وخت هغه وخت چې قوي وو، د طالبانو په څېر نظر درلود. جمیعت او اتحاد هم عین شی ول. کله چې هغوی قدرت ترلاسه کړ بیا د هغوی په پالیسۍ کې ۳۶۰ درجې تغیر راغی او کله چې هغوی له موجود حکومت سره یوځای شي چې تر ډېره د سیکولرانو له خوا کنټرولېږي بیا به عین لاره ونیسي. زه تاسو ته اطمینان درکوم چې د طالبانو مشران او د هغوی نور قوماندانان چې تعلیم یې کړی دی په داسې لباسونو کې ولیدل شي لکه صلاح الدین رباني چې پلار یې د طالبانو او ګلبدین په څېر نظریات لرل. لطفاً د سولې په برخه کې د متحده ایالاتو د استازي خلیلزاد د هڅو ملاتړ وکړئ. یو شی چې ورسره موافق شو، دا دی چې خلیلزاد باید د پرمخ تګ پر وخت په هر قدم کې له حکومت څخه مشوره واخلي.‌ هیله ده چې یوه ورځ به په هېواد کې سوله راشي.

ځواب ورکړئ