عشق اباد -- وطن راډېو د جون په ۴مه د ترکمنستان د کابینې د جون د ۳مې د مجلس په حواله راپور ورکړ چې، د ترکمنستان حکومت د افغانستان هرات ولایت ته د ډاکټرانو او نرسانو یوه ډله، تجهیزات او درمل لیږي چې په تورغونډۍ کلي کې د یوه نوي نسایي وارډ په چلولو کې مرسته وکړي.
ترکمنستان د نسایي وارډ د جوړولو لګښت له خپل جګړه ځپلي ګاونډي سره د یوې نښې په توګه تادیه کړ. په افغانستان کې د ترکمنستان د مرستو په نورو پروژو کې یو کلینیک، ښوونځی، د بشري مرستو منظم د لاریو کاروانونه، او په ارزانه بیو د برېښنا صدور شامل دي.