|

په ننګرهار کې د داعش ګڼ شمېرجنګیالي ووژل شول

د سټاف راپور

جلال اباد -- چارواکو وویل چې په ننګرهار ولایت کې په وروستیو وختونو کې په جګړه کې د داعش ګڼ شمېرغړي ووژل شول، په داسې حال کې چې امنیتي ځواکونو په پکتیکا ولایت کې یو شکمن کس چې د ځانمرګي برید اراده یې لرله ونیو.

خامه پرېس د نومبر په ۳۰ مه راپور ورکړ چې د ننګرهار ولایت پولیسو وویل، داعش ته د دغه ولایت په پچیراګام ولسوالۍ کې درانه تلفات ورواوښتل، او زیاته یې کړه چې اورپکو د خپلو ۸ ملګرو جسدونه د جګړې په ډګر کې پرېښودل.

د خامه پرېس د راپور په اساس، په عین حال کې د پکتیکا ولایت د امنیې قوماندان خلیل الله ضیائي وویل چې پولیسو د نومبر په ۳۰ مه د پکتیکا ولایت په ښرنه کې یو کس چې د ځانمرګي برید ترسره کولو شک پرې کېده ونیو.

ضیائي وویل چې شکمن کس د خپل هدف په لوري روان وو چې پولیسو ونیو.

پژواک خبري اژانس د نومبر په ۲۹مه راپور ورکړ چې پولیسو د نشه ییزو توکو پر ضد د مبارزې په لړ کې په ګڼ شمېر ولایتونو کې لږ تر لږه ۸ تنه شکمن قاچاقچیان ونیول، یو یې وواژه او خواوشا یو ټن نشه یي توکي یې ونیول.

آیا دا لیکنه ستاسو خوښه شوه؟

Ca mobile no 0

تبصره

* ضروري برخې ښيي
Captcha

مهم خبرونه


یو لیک، چې د وري په میاشت کې په هلمند کې د طالبانو د یوه جیګپوړي مشر ملا عبدالمنان منصوري له خوا لیکل شوی، د دغې ډلې د رهبرۍ په منځ کې درزونه په ګوته کوي. [صفت الله زاهدي]

یو سند ښیي چې طالب چارواکي د سولې کولو، له ایران او روسیې سره د اړیکو په اړه په خپل منځ کې اختلاف لري

د طالبانو د یوه جیګپوړي مشر له خوا یو وروستی لیک له سولې پروسې سره د یوځای کېدلو او له روسیې او ایران څخه د مرستو قبلولو په برخه کې د دغې ډلې د رهبرۍ تر منځ یو ژور ايډیالوجیک درز په ګوته کوي.

د رایو شمېر

د افغانانو لپاره دا څومره مهمه ده چې نوم لیکنه وکړي او د ولسي جرګې په را روانو انتخاباتو کې رایه ورکړي؟

نتایج وګورئ