جلال اباد، افغانستان -- چارواکو وویل چې په ننګرهار ولایت کې د ۲۴ ساعتونو په دوران کې د ۶ قوماندانانو په ګډون د داعش لږ تر لږه ۵۵ تنه اورپکي ووژل شول.
افغانستان ټایمز د یکشنبې په ورځ /د فبروري ۲۶مه/ د ولایت د مطبوعاتي دفتر له قوله راپور ورکړ چې افغان سرتیرو په هسکې مینې او بټي کوټ ولسوالیو کې د داعش ۴۷ غړي ووژل.
د خامه پریس د معلوماتو په اساس، محلي امنیتي چارواکو وویل، هوایي حملو د شنبې او یکشنبې په ورځو /د فبروري ۲۵مه او ۲۶مه/ په اچین ولسوالۍ کې د داعش ۸ تنه نور اورپکي ووژل.
