غزني، افغانستان -- د رسنیو د راپورونو له مخې، چارواکو د پنجشنبې په ورځ /د مارچ ۳۰مه/ وویل، عسکرو په غزني ولایت کې ۳۵ او په لوګر ولایت کې ۲۳ تنه اورپکي ووژل.
د افغان ملي اردو د ۲۰۳ تندر قول اردو ویاند محمد حنیف رضایي پژواک خبري اژانس ته وویل، د غزني عملیات د درې ورځو په بهیر کې په څلورو ولسوالیو کې ترسره شول.
د طلوع نیوز د راپور له مخې، د لوګر د والي دفتر په یوه خبرپاڼه کې وویل چې امنیتي ځواکونو د لوګر ولایت په درې ولسوالیو کې د ۲۰ ورځو په ترڅ کې ۲۳ تنه اورپکي ووژل. خبرپاڼې وویل چې، یادې ۲۰ ورځې د چارشنبې په ورځ / د مارچ ۲۹مه/ پای ته ورسېدې.