ننګرهار -- خامه پرېس د پنجشنبې په ورځ / د جون ۸ مه/ راپور ورکړ، چې د ننګرهار ولایت په پچیراګام ولسوالۍ کې د طالبانو او داعش تر منځ د جګړې د قربانیانو شمېر ۱۷ تنو ته ورسېد.
خامه پرېس راپور ورکړ چې د چارشنبې تر ورځې / د جون ۷ مې/ پورې ټول ۹ کسان مړه شوي ول: چې ۷ تنه اورپکي او ۲ ملکي کسان ول. د خامه پرېس د راپور په اساس، دغه شمېر یوه ورځ وروسته ۱۷ ته ورسید -- چې ۱۵ اورپکي او ۲ ملکي کسان ول.
ولایتي ادارې وویل، چې په ۱۵ وژل شویو اورپکو کې ۳ طالبان او ۱۲ د داعش غړي موجود ول.
سلګونه کورنۍ له جګړې څخه تښتېدلې دي.
د ننګرهار والي محمد ګلاب منګل له متاثرو شویو کورنیو څخه لیدنه وکړه او ژمنه یې وکړه چې اورپکي به ژر له منځه وېسي.