بلخ -- پژواک خبري اژانس د پنجشنبې په ورځ /د اکتوبر ۱۹مه/ د ځایي چارواکو د وینا په استناد راپور ورکړ، چې د چارشنبې په ورځ /د اکتوبر ۱۸مه/ په بلخ ولایت کې د تلاشۍ په یوه پوسته د طالبانو په یوه برید کې لږ تر لږه ۶ افغان محلي پولیس ووژل شول.
محلي پولیسو وویل، چې حمله په چمتال ولسوالۍ کې وشوه، او زیاته یې کړه چې په وژل شویو کسانو کې د پوستې قوماندان هم شامل دی.
اورپکي د پېښې له ځای څخه تښتېدلي. د ولایت امنیه قوماندانۍ وویل، چې د هغوی یو قوماندان وژل شوی دی. طالبانو په دې هکله څه نه دي ویلي.
