|

پاکستاني طالبانو د خپلې ډلې د مرستیال 'سجنا' مړینه تایید کړه

سلام ټایمز

پېښور -- اېکسپرېس ټریبیون راپور ورکړ، چې تحریک طالبان پاکستان د دوشنبې په ورځ /د فبرورۍ ۱۲ مه/ د خپل مشر د مرستیال خان سید محسود مړینه تایید کړه.

د تحریک طالبان پاکستان په وینا، محسود، چې په سجنا هم مشهور وو، د فبرورۍ په ۸ مه په یوه هوایي برید کې ووژل شو.

د ګڼو پاکستاني استخباراتي سرچینو په وینا، دغه هوایي برید د افغانستان د جنوبي ولایت پکتیکا په برمل سیمه کې وشو چې د سجنا یو وراره او دوه ساتونکي یې هم ووژل.

سجنا، چې د تحریک طالبان پاکستان د محسود ډلې مشري یې کوله، د ۲۰۱۳ په می کې د ولی الرحمان له مړینې څخه وروسته د ګروپ مرستیال شو.

خو د هغه ډله د تحریک طالبان پاکستان د مشر حکیم الله محسود له مړینې څخه وروسته په ۲۰۱۴ کال کې جلا شوه. د ۲۰۱۷ په فبرورۍ کې، تحریک طالبان پاکستان اعلان وکړ چې یاده ډله بېرته له اصلي ګروپ سره یوځای شوې ده.

د تحریک طالبان پاکستان یوه ویاند وویل، مفتي نورولي محسود د محسود ډلې سرپرست رییس او د تحریک طالبان پاکستان مرستیال ټاکل شوی دی.

آیا دا لیکنه ستاسو خوښه شوه؟

Ca mobile no 0

تبصره

* ضروري برخې ښيي
Captcha

مهم خبرونه


یو لیک، چې د وري په میاشت کې په هلمند کې د طالبانو د یوه جیګپوړي مشر ملا عبدالمنان منصوري له خوا لیکل شوی، د دغې ډلې د رهبرۍ په منځ کې درزونه په ګوته کوي. [صفت الله زاهدي]

یو سند ښیي چې طالب چارواکي د سولې کولو، له ایران او روسیې سره د اړیکو په اړه په خپل منځ کې اختلاف لري

د طالبانو د یوه جیګپوړي مشر له خوا یو وروستی لیک له سولې پروسې سره د یوځای کېدلو او له روسیې او ایران څخه د مرستو قبلولو په برخه کې د دغې ډلې د رهبرۍ تر منځ یو ژور ايډیالوجیک درز په ګوته کوي.

د رایو شمېر

د افغانانو لپاره دا څومره مهمه ده چې نوم لیکنه وکړي او د ولسي جرګې په را روانو انتخاباتو کې رایه ورکړي؟

نتایج وګورئ