|

د ملګرو ملتونو عمومي منشي پر طالبانو تاکید وکړ چې د غني اوربند ومني‌

ای اېف پي

نیویارک -- د ملګرو ملتونو عمومي منشي انتونیو ګوتیریش د پنجشنبې په ورځ (د غبرګولي ۱۷مه) په طالبانو تاکید وکړ چې د کوچني اختر د رخصتۍ د لمانځلو لپاره د افغان حکومت له خوا اعلان شوی اوربند ومني.

همدارنګه، ګوتیریش په یوه اعلامیه کې پر طالبانو غږ وکړ چې له افغان حکومت سره مخامخ خبرې پیل کړي.

د ملګرو ملتونو منشي د افغان حکومت له خوا د اختر په مناسبت د یو اړخیز اوربند هرکلی وکړ.‌

هغه پر طالبانو تاکید وکړ چې "دغه موقت اوربند ته غبرګون وښیي او د ولسمشر غني د سولې وړاندیز ومني، مخامخ خبرې ترسره کړي او د افغانانو د اوږدې مودې د ستونزو لپاره یو حل رامنځته کړي."

غنی د پنجشنبې په ورځ‌ وویل، دا یو اونۍ اوږد اوربند به "د روژې له ۲۷مې څخه د کوچني اختر تر ۵مې پورې دوام وکړي،" او ویې ښودله چې د غبرګولي له ۲۲مې څخه تر ۲۹مې پورې به روان وي.‌

دا په ۱۳۸۰ کې د متحده ایالاتو له یرغل راهیسې لومړنی اوربند دی.‌

په افغانستان کې د متحده ایالاتو ځواکونو وویل چې هغوی به د دغه اوربند درناوی وکړي، خو هغوی د غني دا قید تکرار کړی چې هغه د داعش یا نورو نړیوالو ترهګرو لپاره د تطبیق وړ نه دی.

آیا دا لیکنه ستاسو خوښه شوه؟

Ca mobile no 0

تبصره

* ضروري برخې ښيي
Captcha

مهم خبرونه


د سنګوریانو ډلې غړي د مرغومي په ۱۹ مه د هلمند ولایت د نادعلي ولسوالۍ په لوی باغ سیمه کې د افغان ملي اردو او محلي پولیسو سره څنګ په څنګ په تصفیوي عملیاتو کې برخه اخلي. [ضیا ثمر]

د سنګوریانو ډله: په هلمند کې د طالبانو لپاره یو وحشتناک خوب

ځایي چارواکي او قومي مشران وایي، طالبان د یوه پټ ګروپ له وېرې، چې د افغان حکومت له خوا حمایه کیږي او د اورپکو پر ضد جنګ کوي، د شپې خوب نشي کولی.‌

د رایو شمېر

څومره امکان شته چې طالبان به په تلې میاشت کې د ولسي جرګې له ټاکنو څخه مخکې له افغان حکومت سره د سولې خبرې پیل کړي؟

نتایج وګورئ