|

طالبانو په یوه کمین کې د کوهستان ولسوال وواژه او په حکومتي اوربند یې پښې کېښودې

ای اېف پي

مزارشریف -- ځایي چارواکو د سې شنبې په ورځ /د غبرګولي ۲۲ مه/ وویل، چې طالب اورپکو د حکومت له خوا د اوربند له پیلېدا سره سرهیو ولسوال وواژه او د هغه د سیمې کنټرول یې په لاس کې واخیست

ولسمشر اشرف غني د غبرګولي په ۱۷ مه اعلان وکړ، چې افغان پولیس او عسکر به د ۸ ورځو په مخه، د غبرګولي له ۲۲ څخه تر ۲۹ پورې له طالبانو سره نښتې ودروي.

طالبانو له حکومت سره یوازې د کوچني اختر د لومړیو درې ورځو لپاره په اوربند موافقه وکړه، چې تمه ده د غبرګولي په ۲۵ مه پیل شي.

د افغان امنیتي ځواکونو او طالب وسله والو تر منځ په فاریاب او سرپل کې سخته جګړه ونښتله، او چارواکو راپور ورکړ چې دواړو خواو ته نامعلوم شمېر تلفات اوښتي دي.

د والي ویاند جاوېد بیدار ای اېف پي ته وویل، د فاریاب ولایت د کوهستان ولسوال له ۸ نورو افغانانو سره یوځای په یوه شپني کمین کې ووژل شو. هغه د پېښې مسؤلیت پر طالبانو ور واچاوه.

هغه وویل، چې اورپکو د یادې ولسوالۍ کنټرول په لاس کې اخیستی دی، او د ولایت امنیه قوماندان نبي جان ملاخېل یې خبره تایید کړه.

د والي د ویاند ذبیح الله اماني په وینا، د سرپل ولایت له صیاد ولسوالۍ سره نژدې جنګ روان دی.‌

هغه ای اېف پي ته وویل، «مونږ نور ملاتړ کوونکي ځواکونه راغوښتي دي.»

آیا دا لیکنه ستاسو خوښه شوه؟

Ca mobile no 0

تبصره

* ضروري برخې ښيي
Captcha

مهم خبرونه


د سنګوریانو ډلې غړي د مرغومي په ۱۹ مه د هلمند ولایت د نادعلي ولسوالۍ په لوی باغ سیمه کې د افغان ملي اردو او محلي پولیسو سره څنګ په څنګ په تصفیوي عملیاتو کې برخه اخلي. [ضیا ثمر]

د سنګوریانو ډله: په هلمند کې د طالبانو لپاره یو وحشتناک خوب

ځایي چارواکي او قومي مشران وایي، طالبان د یوه پټ ګروپ له وېرې، چې د افغان حکومت له خوا حمایه کیږي او د اورپکو پر ضد جنګ کوي، د شپې خوب نشي کولی.‌

د رایو شمېر

څومره امکان شته چې طالبان به په تلې میاشت کې د ولسي جرګې له ټاکنو څخه مخکې له افغان حکومت سره د سولې خبرې پیل کړي؟

نتایج وګورئ