|

سعودي عربستان به په افغانستان کې د سولې په هکله د نړیوالې غونډې کوربه وي

سلام ټایمز

کابل -- ازاد افغانستان راډېو د دوشنبې په ورځ /د چنګاښ ۱۸ مه/ راپور ورکړ، چې له ۵۰ څخه د ډېرو اسلامي هېوادونو استازي به د سې شنبې په ورځ /د چنګاښ ۱۹ مه/ په سعودي عربستان کې سره وګوري او د افغانستان د سولې د بهیر په هکله به خبرې اترې وکړي.

د افغانستان د سولې د عالي شورا په وینا، په مکه معظمه او جده کې د دغې دوه ورځنۍ غونډې په ترڅ کې به برخه وال په دې هکله خبرې اترې وکړي چې څنګه هغوی کولی شي چې افغانستان ته سوله راولي.

د سولې د عالي شورا ویاند احسان طاهري ازاد افغانستان راډېو (آر اېف ای) ته وویل، «دا لومړی ځل دی چې له نورو هېوادونو څخه ډېر دیني عالمان سره غونډېږي او په افغانستان کې د سولې په هکله خبرې اترې کوي، او دا له طالبانو سره د مخامخ خبرو لپاره ډېره مهمه ده،»‌

په پام کې ده چې له افغانستان څخه یو ۳۰ کسیز هیئت په دې غونډه کې برخه واخلي.‌

د آر اېف ای د راپور په اساس،‌ طالبانو غوښتنه کړې چې افغان دیني عالمان دې په دې غونډه کې برخه نه اخلي.

آیا دا لیکنه ستاسو خوښه شوه؟

Ca mobile no 0

0 تبصره

* ضروري برخې ښيي
Captcha

مهم خبرونه

په ننګرهار کې مقاماتو ارزښتناکه ځمکه، چې له اوږدې مودې راهیسې د طالبانو تر ولکې لاندې وه، ونیوله

طالب اورپکو له څو کالو راهیسې په بټي کوټ ولسوالۍ کې په یوه سیمه باندې کنټرول درلود، او د هغې حاصلات یې ټولول چې ځایي اوسېدونکي یې د معیشت د ترلاسه کولو په برخه کې له ستونزو سره مخامخ کړي ول.‌

د رایو شمېر

تاسو په افغانستان کې د ولسي جرګې وروستیو انتخاباتو ته په څه نظر ګورئ؟‌

نتایج وګورئ