|

امنیتي ځواکونو په پکتیا کې له ۱۰۰ ډېر طالب اورپکي ووژل

سلام ټایمز

پکتیا -- د پکتیا ولایت امنیه قوماندانۍ په یوه اعلامیه کې وویل، چې امنیتي ځواکونو د پنجشنبې په ورځ /د چنګاښ ۲۱مه/ په دغه ولایت کې له ۱۰۰ څخه ډېر طالب اورپکي په جګړه کې ووژل.

د پنجشنبې په اعلامیه کې راغلي، چې یو عملیات په احمد ابا ولسوالۍ کې ترسره شو چې ۵۵ تنه اورپکي یې ووژل.

اعلامیه زیاتوي، چې په وژل شویو کې د طالبانو د مهمې سرې قطعې غړي او قوماندانان هم شامل دي.

له دې جلا، د ولایت امنیه قوماندانۍ وویل، چې افغان ځانګړیو ځواکونو په زرمت ولسوالۍ کې عملیات ترسره کړل او لږ تر لږه ۴۶ تنه طالب اورپکي یې ووژل.

چارواکو وویل، چې د طالبانو یو پخوانی تش په نامه ولسوال ایوب چې په کرامت هم مشهور وو، هم په مړو کې شامل دی.

امنیه قوماندانۍ د وژل شویو طالبانو د تلفاتو عکسونه خپاره کړل. اورپکو څو ساعته وروسته ځواب ورکړ او دغه راپورونه یې رد کړل.

آیا دا لیکنه ستاسو خوښه شوه؟

Ca mobile no 1

تبصره

* ضروري برخې ښيي
Captcha

مهم خبرونه

نادر ورېښمین قران کریم د افغانستان د کلتوري میراث په ساتلو کې مرسته کوي‌

هغه خطاطان چې کار یې پرې کړی، وایي، د دغه قران کریم بشپړولو دوه کاله وخت نیولی او له مذهبي او هنري اړخه 'بې ساري ارزښت' لري.‌

د رایو شمېر

څومره احتمال لري چې په طالبانو کې به له وروستي اوربند څخه، چې په یاده ډله کې یې وېشونه وښودل، وروسته،‌ درزونه رامنځته شي؟

نتایج وګورئ