|

د مرکزي قوماندانۍ قوماندان وایي،‌ داعش 'د روغې جوړې وړ نه دي'

سلام ټایمز

واشنګټن -- د پنتاګون د یوې اعلامیې له مخې، د متحده ایالاتو د مرکزي قوماندانۍ قوماندان، جنرال جوزېف ووټل، د چارشنبې په ورځ /د زمري ۱۷ مه/ وویل، چې د داعش هغه غړي چې تېره اونۍ په جوزجان کې افغان ځواکونو ته تسلیم شول «به د هغوی د جرمونو له امله په قانوني توګه تعقیب شي».‌

په پنتاګون کې له خبریالانو سره د خبرو کولو پر وخت، ووټل وویل، چې داعش «د پخلاینې وړ نه دی» او باید له منځه وېوړل شي.

ووټل وویل، «مونږ د داعش له خراسان څانګې سره د جوړجاړي په هکله هېڅ تصور نه لرو. زمونږ ماموریت دا دی چې دغه تنظیم له منځه وېسو.»

هغه وویل، «زه غواړم روښانه کړم چې د داعش د خراسان څانګې د له منځه وړلو لپاره د متحده ایالاتو او زمونږ د افغان شریکانو جګړه روانه ده،»‌

هغه زیاته کړه، «سږ کال مونږ د داعش د خراسان څانګې ګڼ شمېر جنګیالي وژلي دي، او لکه چې تاسو ته ښایي یاد وي، مونږ د اختر په مناسبت د افغانستان د حکومت او طالبانو تر منځ د اوربند په ترڅ کې د القاعدې په څېر د نورو ترهګرو ډلو پر ضد عملیاتو ته دوام ورکړ،»‌

اجرائیه رییس عبدالله عبدالله د دوشنبې په ورځ /د زمري ۱۵ مه/ وویل، د داعش له هغو جنګیالیو سره به، چې په جنګي جرمونو تورن دي، د قانون په اساس چلند وشي.‌

نژدې ۲۵۰ داعشي جنګیالي په وروستیو کې په جوزجان ولایت کې افغان پوځ ته وروسته له هغه تسلیم شول چې په هغوی باندې د ترهګرۍ ضد عملیاتو فشار زیات شو.لومړنیو راپورونو دغه شمېر ۱۵۰ کسان ښودلی وو.‌

آیا دا لیکنه ستاسو خوښه شوه؟

Ca mobile no 0

0 تبصره

* ضروري برخې ښيي
Captcha

مهم خبرونه

طالبانو په فاریاب کې ښځې او ماشومان په یخنۍ کې له کورونو څخه واېستل

اورپکو خواوشا ۲۰۰ کورنۍ، چې غړي یې له افغان امنیتي ځواکونو سره کار کوي، مجبورې کړې چې په یخنۍ کې خپل کورونه پرېږدي.

د رایو شمېر

تاسو په څومره احتمال باور لرئ چې د سولې روانې هڅې به بریالۍ وي؟

نتایج وګورئ