|

د ایتلاف هوایي بریدونو په ۳ ولایتونو کې ۳۲ طالب اورپکي ووژل

سلام ټایمز

ګردېز -- د ناټو د قاطع ملاتړ ماموریت د شنبې په ورځ‌ /د وږي ۲۴مه/ په یوه اعلامیه کې وویل، چې ایتلافي ځواکونو، د افغان ملي اردو له ۲۰۳ تندر قول اردو سره په ګډه، د وږي د ۱۸ او ۲۱ تر منځ‌، اته هوایي بریدونه ترسره کړل او په درې ولایتونو کې یې لږ تر لږه ۳۲ تنه طالب اورپکي ووژل.

د شنبې د ورځې په اعلامیه کې راغلي، چې شپږو هوایي بریدونو د وږي په ۱۸ او ۱۹مه د میدان وردک ولایت د دایمیرداد ولسوالۍ مرکز سره نژدې طالب اورپکي په نښه کړل.‌

اعلامیه وایي،‌ «په دایمیرداد کې ګډو بریدونو ۱۰ تنه طالبان ووژل، یوه لارۍ یې، چې د مهماتو او تجهیزاتو د انتقال لپاره کارول کېدله، ویجاړه کړه،‌ او یو سوری یې، چې د سلاکوټ په توګه کارول کېده، کېناوه. یوه برید یو تښتول شوی هاموي، چې باور کېده چې په چاودېدونکیو موادو بار وسیله ترې جوړه شوې ده، ویجاړ کړ.»

د اعلامیې په اساس، یوه بل هوایي برید د سې شنبې په ورځ‌ /د وږي ۲۰ مه/ د پکتیا ولایت په ګردېز کې لږ تر لږه ۲۰ تنه طالب جنګیالي وروسته له هغه ووژل چې ګڼ شمېر طالب جنګیالیو هڅه وکړه چې په دغه ښار کې د افغانانو یوه د تلاشۍ پوسته ونیسي.

له دې جلا، یوه هوایي برید د چارشنبې په ورځ /د وږي ۲۱ مه/ د غزني ولایت په مقر ولسوالۍ کې دوه تنه طالب اورپکي وروسته له هغه ووژل چې هغوی د افغانانو د تلاشۍ له یوې پوستې څخه مهمات غلا کړل.‌

آیا دا لیکنه ستاسو خوښه شوه؟

Ca mobile no 0

0 تبصره

* ضروري برخې ښيي
Captcha

مهم خبرونه

طالبانو په فاریاب کې ښځې او ماشومان په یخنۍ کې له کورونو څخه واېستل

اورپکو خواوشا ۲۰۰ کورنۍ، چې غړي یې له افغان امنیتي ځواکونو سره کار کوي، مجبورې کړې چې په یخنۍ کې خپل کورونه پرېږدي.

د رایو شمېر

تاسو په څومره احتمال باور لرئ چې د سولې روانې هڅې به بریالۍ وي؟

نتایج وګورئ