|

افغان چارواکي وایي، د طالبانو مشران د سولې خبرو ته چمتو شوي دي

سلام ټایمز

کابل -- اریانا نیوز د چارشنبې په ورځ /د تلې ۱۱مه/ د افغان چارواکو له قوله راپور ورکړ، چې د افغانستان د سولې عالي شورا وایي، د طالبانو مشرانو په ښکاره د سولې پروسه کې له ښکېلېدلو څخه مخکې په خپلو منځونو کې د سولې د خبرو په هکله بحثونه پیل کړي دي.‌

د سولې د عالي شورا منشي او د ولسمشر غني سلاکار، اکرم خپلواک، د چارشنبې په ورځ وویل، «د طالبانو مشرانو د سولې د خبرو د پیلولو لپاره یو زرغون څراغ ورکړی، او د هغوی له خوا چنې وهل پیل شوي دي،»

همدارنګه، د سولې د عالي شورا رییس، محمد کریم خلیلي، وویل، په سیمه کې هڅې زیاتې شوي او ټول لوري په افغانستان کې د سولې د پروسې ملاتړ کوي.‌

له دې جلا، پاکستاني دیني عالم مولانا سمیع الحق، چې اکثر د طالبانو روحاني پلار بلل کیږي، د افغانستان د سولې پروسې څخه خپل ملاتړ څرګند کړی دی.

د اریانا نیوز د راپور په اساس، نوموړي د تلې په لومړیو کې د سولې د عالي شورا د یوه پلاوي سفر ته په اشارې وویل، «ما له هغو ۲۰ ... دیني عالمانو سره، چې له افغانستان څخه پاکستان ته راغلي وو، مشوره وکړه. مونږ هغوی ته وویل چې د پاکستان او افغانستان هدف سره یو دي.»

آیا دا لیکنه ستاسو خوښه شوه؟

Ca mobile no 0

0 تبصره

* ضروري برخې ښيي
Captcha

مهم خبرونه

طالبانو په فاریاب کې ښځې او ماشومان په یخنۍ کې له کورونو څخه واېستل

اورپکو خواوشا ۲۰۰ کورنۍ، چې غړي یې له افغان امنیتي ځواکونو سره کار کوي، مجبورې کړې چې په یخنۍ کې خپل کورونه پرېږدي.

د رایو شمېر

تاسو په څومره احتمال باور لرئ چې د سولې روانې هڅې به بریالۍ وي؟

نتایج وګورئ