http://afghanistan.asia-news.com/ps/articles/cnmi_st/newsbriefs/2018/11/01/newsbrief-02

په غزني کې د ایتلاف هوایي بریدونو ۱۲ طالب اورپکي ووژل

سلام ټایمز

پکتیا -- د افغان ملي اردو ۲۰۳ تندر قول اردو د پنجشنبې په ورځ /د لړم ۱۰مه/ په یوه اعلامیه کې وویل، چې د ایتلاف هوایي بریدونو په غزني ولایت کې لږ تر لږه ۱۲ تنه طالب اورپکي ووژل.

اعلامیه د پېښې د وخت په هکله له جزیاتو څخه پرته وایي، چې دغو هوایي بریدونو په اندړ، آب بند او مقر ولسوالیو کې د اورپکو پټنځایونه وویشتل.

اعلامیه زیاتوي، چې په وژل شویو کې د غزني لپاره د طالبانو د تش په نامه والي مرستیال ملا نسیم او په یاد ولایت کې د دغه ګروپ د سرې قطعې قوماندان عبدالله (چې د ګوډ داود په نامه هم یادېده) شامل دي.‌

طالبانو سمدلاسه په دې هکله څه نه دي ویلي.‌

آیا دا لیکنه ستاسو خوښه شوه؟
0
نه
0 تبصره
د تبصرو تګلاره
Captcha