افغان کماندویانو په پکتیکا کې د طالبانو د سرې قطعې مشر وواژه

سلام ټایمز

خامه پرېس د چارشنبې په ورځ /د لیندۍ ۲۸مه/ راپور ورکړ، چې افغان کماندویانو په پکتیکا ولایت کې د طالبانو د سرې قطعې قوماندان، چې د پنځو ولایتونو مسؤل وو،وواژه.‌

د دفاع وزارت ویاند غفوراحمد جاوېد وویل، اورپکی، چې د بلال ځدراڼ په نامه یاد شوی، د چارشنبې په شپه ناوخته /د لیندۍ ۲۷مه/ ووژل شو.

جاوېد وویل چې ځدراڼ په خوست، پکتیا، غزني، لوګر او پکتیکا ولایتونو کې د طالبانو د سرې قطعې مسؤل وو.

ځدراڼ وروسته له هغه ووژل شو چې د ملي امنیت شورا د لړم په ۲۴مه د هېواد امنیتي ځواکونو ته حکم وکړ چې د اورپکو پر ضد تهاجمي عملیات پیاوړي کړي.

طالبانو سمدلاسه په دې هکله څه نه دي ویلي.

آیا دا لیکنه ستاسو خوښه شوه؟

4
0
نه
0 تبصره
د تبصرو تګلاره Captcha