|

د افغان هوایي ځواک برید په فاریاب کې د طالبانو د استخباراتو د مشر په شمول ۶ اورپکي ووژل

سلام ټایمز

مزارشریف -- د افغان ملي اردو ۲۰۹ شاهین قول اردو د جمعې په ورځ /د مرغومي ۲۱مه/ په یوه اعلامیه کې وویل، چې د افغان هوایي ځواک یوه برید په فاریاب ولایت کې د طالبانو د استخباراتو د مسؤل په شمول د یادې ډلې لږ تر لږه ۶ تنه طالب اورپکي ووژل.

په اعلامیه کې راغلي، چې برید قاري صبغت الله د دولت اباد ولسوالۍ په فېروزه کلي کې د پنجشنبې په ورځ /د مرغومي ۲۰ مه/ وواژه.‌ نوموړي خپل ځان په فاریاب ولایت کې د طالبانو د استخباراتو یو تکړه کس باله.‌

اعلامیه زیاتوي، چې صبغت الله په دغه ولایت کې د حکومتي کارمندانو پر ضد د حملو لپاره استخباراتي معلومات وړاندې کول.

طالبانو سمدلاسه په دې هکله څه نه دي ویلي.‌

دغه پېښه یوه اونۍ وروسته له هغه وشوه چې نوي ټاکل شوي د دفاع وزیر فاریاب ته په یوه سفر کې ژمنه وکړه چې افغان ملي اردو به په دغه ولایت کې د طالب اورپکو ځپلو ته دوام ورکړي.‌

آیا دا لیکنه ستاسو خوښه شوه؟

Ca mobile no 0

0 تبصره

* ضروري برخې ښيي
Captcha

مهم خبرونه

له جګړې او طالبانو څخه ستړي شوي د هرات اوسېدونکي د سولې هیله کوي

د اورپکو له خوا په هېواد کې د څو کالو له تاوتریخوالي څخه وروسته محلي خلک په یوه غږ سره یوځای شوي او د سولې په هیله نیالګي کري.

د رایو شمېر

څومره احتمال لري چې طالبان به د چنګاښ په میاشت کې د ولسمشرۍ انتخاباتو څخه مخکې له افغان حکومت سره مخامخ د سولې خبرې ترسره کړي؟

نتایج وګورئ