د افغان هوایي ځواک بریدونو په کندوز کې ۷ طالب جنګیالي ووژل

سلام ټایمز

مزارشریف -- د افغان ملي اردو ۲۰۹ شاهین قول اردو د چارشنبې په ورځ /د کب ۲۲مه/ په یوه اعلامیه کې وویل چې د افغان هوایي ځواک بریدونو په کندوز ولایت کې لږ تر لږه ۷ تنه طالب اورپکي ووژل.

په اعلامیه کې راغلي چې دغو بریدونو د چارشنبې په ورځ د شپې په خواوشا ۱۲:۳۰ بجو په خان اباد ولسوالۍ کې د ملا علاءالدین مشهور په واثق په مشرۍ د طالبانو یو کاروان وویشت.

اعلامیه زیاتوي چې اورپکي د خواجه پسته په لوري روان ول، چې وویشتل شول.

په اعلامیه کې راغلی چې، علاءالدین چې د دغې ولسوالۍ لپاره د طالبانو یو مهم قوماندان وو، په وژل شویو کې شامل دی.

آیا دا لیکنه ستاسو خوښه شوه؟

0
0
نه
0 تبصره
د تبصرو تګلاره Captcha