هلمند -- د هلمند ولایت د رسنیو دفتر د دوشنبې په ورځ /د وري ۵ مه/ په یوه اعلامیه کې وویل، چې په دغه ولایت کې یوه هوایي برید د استخباراتو د یوه مشر په ګډون ۶ تنه طالب جنګیالي ووژل.
په اعلامیه کې راغلي، چې برید د دوشنبې په ماسپښین په سنګین ولسوالۍ کې له شرافت بازار سره نژدې د طالبانو یو مرکز وویشت.
د چارواکو په وینا، په برید کې د دغې ولسوالۍ لپاره د طالبانو د استخباراتو نوی مشر جهادیار هم ووژل شو.
اعلامیه زیاتوي، چې هېڅ ملکي خلکو ته زیان ونه رسېد.
طالبانو سمدلاسه په دې هکله څه نه دي ویلي.