کابل -- د کورنیو چارو وزارت د پنجشنبې په ورځ /د وري ۸ مه/ په یوه اعلامیه کې وویل، چې د افغانستان د نشه ییزو توکو ضد ځانګړیو عملیاتو پولیسو او د پولیسو د ځانګړیو واحدونو عمومي قوماندانۍ په بدخشان ولایت کې د ګډو عملیاتو په ترڅ کې د نشه ییزو توکوه یوه فابریکه ویجاړه کړه.
اعلامیه د دقیق وخت له یادولو څخه پرته لیکي، چې عملیات د درایم ولسوالۍ په نیمتلا کلي کې ترسره شول.
اعلامیه وایي، پولیسو ۲۰۰ کیلوګرامه مایع اپین او نامعینه اندازه کیمیاوي مواد، چې د هیرویینو د تولید لپاره کارول کیږي، او ورسره نشه ییز توکي او نور مواد، ویجاړ کړل.