http://afghanistan.asia-news.com/ps/articles/cnmi_st/newsbriefs/2019/04/12/newsbrief-02

د دفاع وزارت د طالبانو د پسرلنیو عملیاتو ادعا 'یوازې پروپاګند' وبلله او رد یې کړه

ای اېف پي

کابل -- طالبانو د جمعې په ورځ /د وري ۲۳مه/ خپل کلني پسرلني عملیات اعلان کړل. دا په داسې حال کې ده چې متحده ایالات او افغان سیاستوال هڅه کوي چې له یادې ډلې سره د یوه سوله ییز حل په هکله خبرې وکړي.‌

د دفاع وزارت ویاند قیس منګل د طالبانو ادعا شوي عملیات د «یوازې پروپاګند» په توګه رد کړل.

منګل وویل، «طالبان به خپلو ناوړه هدفونو ته ونه رسېږي، او د هغوی عملیات به د تېرو کلونو په څېر ناکام کړای شي.»

د طالبانو اعلان په داسې حال کې مخته راځي چې تمه ده د را روانې میاشتې په لومړیو کې د کابل حکومت د ځینې چارواکو په شمول د افغان سیاسي مشرانو او طالبانو تر منځ د قطر په پلازمېنه دوحه کې د خبرو یو تازه پړاو ترسره شي.

آیا دا لیکنه ستاسو خوښه شوه؟
0
نه
0 تبصره
د تبصرو تګلاره
Captcha