زابل -- طلوع نیوز د جمعې په ورځ /د غوایي ۶ مه/ د دفاع وزارت د یوې اعلامیې په اساس راپور ورکړ چې افغان ځواکونو په زابل ولایت کې د عملیاتو په ترڅ کې د طالبانو له یوه زندان څخه ۵۳ تنه بندیان را ازاد کړل.
وزارت د عملیاتو د وخت په هکله د جزیاتو له ورکولو څخه پرته ویلي چې دا عملیات په دای چوپان ولسوالۍ کې ترسره شول.
اعلامیه زیاتوي چې ژغورونکو ۸ تنه طالب اورپکي ووژل.
په ژغورل شویو بندیانو کې څلور قوماندانان او څلور پولیس افسران شامل دي.