په کونړ کې افغان ځانګړیو پولیسو د داعش ۷ جنګیالي ووژل

سلام ټایمز

کابل -- د کورنیو چارو وزارت د چارشنبې په ورځ /د غبرګولي ۱/ په یوه اعلامیه کې وویل چې افغان ځانګړیو پولیسو په کونړ ولایت کې د عملیاتو په ترڅ کې د داعش لږ تر لږه ۷ غړي ووژل.

په اعلامیه کې راغلي چې دغه عملیات د سې شنبې په شپه /د غوایي ۳۱ مه/ د نورګل ولسوالۍ په چمبېل کلي ترسره شول. په وژل شویو کسانو کې د مخلص په نامه د داعش د جنګیالیو د یوه ۲۰ کسیز ګروپ قوماندان هم شامل دی.‌

اعلامیه زیاتوي چې عسکرو د اورپکو وسلې او تجهیزات ونیول.

آیا دا لیکنه ستاسو خوښه شوه؟

3
0
نه
0 تبصره
د تبصرو تګلاره Captcha