ګردېز -- د افغان ملي اردو ۲۰۳ تندر قول اردو د پنجشنبې په ورځ /د غبرګولي ۱۶مه/ په یوه اعلامیه کې وویل چې افغان ملي دفاعي او امنیتي ځواکونو په میدان وردک ولایت کې د ځانګړیو عملیاتو په ترڅ کې لږ تر لږه ۱۵ تنه طالب اورپکي ووژل.
اردو د وخت په هکله د جزیاتو له ورکولو څخه پرته وویل چې دغه عملیات په نرخ ولسوالۍ کې له یوه استخباراتي راپور څخه وروسته ترسره شول.
اعلامیه زیاتوي چې عسکرو دوه تنه اورپکي توقیف کړل.