فیسبوک وايي چینايي ورانکارو په بهر کې د اختلافاتو رامنځته کولو لپاره نویو تکتیکونو ته مخه کړې ده

| 07-13-2023

چین هم خپل خلک داسې ساتلي لکه د پخواني شوروي اتحاد. اورېدلي مې دي چې پخوانی شوروي اتحاد د دوي مربوطه خلک/هېوادونه داسې ساتل چې په هيڅ صورت به غربي یا نورو رسنیو اورېدو ته نه پرېښودل کېده. سیستم یې داسې عیار کړی و چې په شوروي کې خارجي، په ځانګړي ډول غربي رسنۍ هیڅ څوک وا نه وري یا یې و نه ګوري. د چین په اړه مې هم عین شی وا ورېده. یو دوست مو چې په چین کې یې ماسټري کوله، ویل یې؛ په چین کې یې فیسبوک او یوټیوب ته لاس رسي نه درلوده. داسې هم نه وه چې په چین کې څوک سوشل مېډیا ته لاس رسی نه لري بلکي د چینایانو خپل ایپس او سوشل مېډیا وه چې استفاده به یې ځنې کوله. خو زه چې فیسبوک ګورم، د چین د نړیوالې راډیو پاڼه کله کله مخې ته راځي. کله چې د سوشل مېډیا په برخه کې د خپل دوست خبرې را یادوم، وایم چې هر څوک د خپلو ګټو په هڅه کې دی. چینایان په دې پوهېږي چې دلته په افغانستان کې تر ډېره حده افغانان فیسبوک استعمالوي، نو ځکه چینایانو ته دا مهمه ده چې د خپلو ایپونو له لارې نه، بلکې د غربي سوشل مېډیا له لارې افغانانو ته خپل خبرونه او افکار وړاندې کړي. البته، د یادونې ده چې سوشل مېډیا ډېر ځوانان له کاره ایستې، ټولنیز ژوند یې خراب کړی، خلک په ځانګړي ډول ځوانان یې له تعلیم او مطالعې لرې کړي آن خبره اوس اعتیاد ته رسېدلې او خلک یې معتاد کړي دي. زه خپله پر فیسبوک د افغانانو تر منځ له ناندریو سخت رنځ وړم. د دې پر ځای چې مونږ له فیسبوک او یوټیوب څخه ښه استفاده کړې وه، خپل منځي شخړې مو ورته را و ایستې. اصلا مخکې تر دې چې مونږ په ټولنیزو نزاکتونو پوه شو، فیسبوک سره مو مخه شوه. نو دغه حالت د دې په ځای چې مونږ سره راټول کړي، نور مو هم سره پاشي او خرابوي مو.

| 07-13-2023

د فیسبوک کارونی زیانونه: فېسبوک د ځوانانو د خپګان سبب شوی که ستاسو زړه تل خپه وي او یا د ستړیا احساس کوئ، نو د دې لوی علت دا دی چې له فېسبوکه ډېر کار اخلئ. په ډنمارک کې ساینسپوهانو په یوه څیړنه کې څرګنده کړې چې هغه ځوانان چې فیسبوک کاروي، له زیات خپګان سره مخامخ او په ژوند کې د پاتي راتلو احساس کوي که چیرته ځوانان غواړي چي تیرې خوشالۍ یې بیرته په ژوند کې راشي نو د فیسبوک په کارولو کې دې بیا کتنه وکړي. دا څیړنه د اف کوپنهیګن پوهنتون ساینسپوهانو کړې او ۱۹۰۵ کال د ځوانانو او د اوسنۍ زمانې ځوانان یې سره پرتله کړي چې تر اوسنیو له جسمي او ذهني پلوه قوي ول. څیړونکو لومړی ځوانان په دوو ګروپونو وویشل په دې څېړنه کې لومړی ګروپ ځوانانو ته د فیسبوک د دوامداره کارونې هدایت وشو او دوهم ګروپ ته د فیسبوک نه کارونې هدایت وشو له یوې اوونۍ وروسته معلومه شوه چا چې فیسبوک نه دی کارولی د بدن وړتیا یې زیاته شوې او هیڅ خپګان یې نه احساساوه او هغه چا چي فیسبوک کارولی د بدن له وړتیا څخه مایوسه وه او په خپل ژوند کې یې خوښي نه احساسوله. څیړونکو ویلي چې که د فیسبوک کارونې ته مو زړه کیږي نو د یو څه وخت له پاره رخصت هم ورکوئ څو د جسم وړتیا مو قوي او په خپل ژوند کې خوشالي راولئ

| 07-13-2023

زه چې له ۲۰۱۳ راهیسې فېسبوک کاروم اوس یې له کارولو سخت ناراضه یم. مخکې ښه ټولنیزه شبکه وه، مګر اوس ډېره بې خونده ده. بلخصوص افغانستان کې چې د طالبانو حکومت راغلی فېسبوک له عامو خلکو (فېسبوک کاروونکو) سره ورانی شروع کړی دی. موږ چې د خبر، راپور یا خبرتیا په توګه یو څه خپروو میاشتې میاشتې بندیزونه راباندې لګوي او نه پرېږدي چې نشرات مو تر ډېرو خلکو ورسیږي. دا دفېسبوک یوه ناکامه پالېسي ده چې بندیزونه او محدودیتونه په خپلو کاروونکو لګوي. او که احیانا پر ځای یې بله شبکه راغله نو مطمین یم چې فېسبوک به ډېر ژر له مارکېټ خدای پاماني واخلي. بلخصوص افغانستان کې به یې مینه وال د صفر کچې ته راورسیږي...