راخوشې شوی افغان خبریال وایي، په زندان کې د داعش غړو هڅه وکړه چې هغه ووژني

| 11-01-2023

داعش ډېره بې رحمه او قصابه ډله ده. د انسانیت تمه ترې نه ده په کار. زما یو ملګری چې تازه د طالبانو له بنده راخوشې شوی ځیني کیسې راته وکړې. یوه یې د طالبانو ناراضه جنګیالیو وه چې همدې خپل حکومت یې بندیان کړي. ملګري مې وویل چې قسم یې کاوه چې د اسلامي امارت د حاکم کېدو لپاره یې ډېرې قربانۍ ورکړې خو اوس چې واک ته ورسید خپل کسان یې په ډيره عادی ګناه نیولي او بندیان کړي. وای ویل یې چې که بیرته خوشې کیدل مستقیم به د داعش لیکو ته ځي او د اسلامي امارت خلاف جګړه به پیلوي. چې کیدای شي دغه قصابه ډله د وخت په تېرېدو د همداسې ناراضه خلکو له لوري سخته قوي شي.

| 10-30-2023

زه نه پوهېږم چې ولې رسنۍ په ځانګړې توګه د فارسي ژبي خلک د داعش موضوع له طالبانو (د افغانستان اوسني حکومت) سره تړي؟ لومړی دا چې داعش په افغانستان کې نشته او که وي هم چلینج نه دی. که افغانستان ته کومه نوې پروژه رادننه نشي، داعش به هېڅکله هم افغانستان او له افغانستان څخه د سیمې هېوادونو ته ګواښ نه وي. په دې اړه مې یو خبر ولوست چې ایراني رسنیو خپور کړی و. د ایران د استخباراتو وزارت څخه په خپره شوې خبرپاڼه کې راغلي چې د داعش ترهګرې ډلې د شبکې یو مهم مشر په سیستان او بلوچستان ولایت کې نیول شوی دی. سرچینه زیاتوي، چې د داعش ترهګرې ډلې اړوند د شبکو یو مهم مشر چې غوښتل یې په کورنیو او بهرنیو برخو کې د پراخو استخباراتي او عملیاتي اقداماتو په ترڅ کې د ترهګریزو او تخریبي اعمالو لپاره عملیاتي اډه جوړه کړي، د داعش ترهګرې ډلې د جلب او جذب او د شبکې جوړولو په لټه کې و، د سیستان او بلوچستان ولایت د استخباراتو د عمومي ریاست د امام زمان (ع) د عسکرو له خوا ونیول شو. په خبرپاڼه کې راغلي چې دغه کس په ټولنیزو شبکو کې د بېلابېلو اکاونټونو په جوړولو سره وکولی شول چې د بهرنیو اتباعو او داخلي عناصرو چې ځانونه یې مطرح کړي وو، په ګټه د دغه ولایت په لیرې پرتو سیمو کې ډلې جوړې کړي. هغوی تېره میاشت نیول شوي ول. دا د دې ثبوت دی چې داعش نه یوازې په افغانستان کې، بلکې په ایران، پاکستان او د سیمې په هېوادونو کې هم شته، په داسې حال کې چې تاسو په پاکستان، ایران... کې د هغوی د شتون خبرونه نه خپروئ په داسې حال کې چې داعش هلته هم فعال دی! تاسو هر غم او درد افغانستان ته راوړئ، او بې ګناه خلک پرې دردوئ، چې نه یوازې دا چې هغوی ته جسمي زیان رسوي، بلکې د هغوی پر روح او روحیه باندې هم ناوړه اغېز کوي.

| 10-28-2023

د افغانستان اسلامي امارت حکومت داخلي او خارجي ټول خبریالان د ښځو او نارینه وو د مظاهرو د عکسونو له اخیستلو او فلم کولو څخه منع کړي دي. هیڅوک باید داسې کار ونه کړي چې په یوه هیواد کې د دولت له خوا ممنوع شوی وي. هرکله چې یو خبریال بل هیواد ته د راپور جوړولو لپاره سفر کوي، باید هلته له سفر څخه مخکې د هغه هیواد له قوانینو څخه ځان خبر کړي. هغه باید د هغه هیواد له قانون سره سم عمل وکړي. هغه بختور دی چې له وژل کېدلو پرته د داعش ډلې له منګولو وتلی او بېرته خپلې کورنۍ ته راستون شوی دی. دا ښه خبر دی. طالبانو د غونډو، که د ښځو وي او که د نارینه وو وي، د عکسونو اخیستل منع کړي دي. بیا که کمره وي او که موبايل، هغوی یې اخلي او په ځمکه یې غورځوي، چې مات یې کړي، او له کمره مینانو سره جدي چلند کوي. هغه کسان چې له بهر څخه افغانستان ته سفر کوي، باید په دولتي سیمو کې عکسونه وانه اخلي او نه هم په هغو ځایونو کې چې عکس اخیستل منع دي، عکس واخلي، که نه طالبان به یې ووهي.

| 11-06-2023

دا درواغ دي چې طالبان هیچا ته د عکس اخیستلو اجازه نه ورکوي. هغوی پخپله ټوله ورځ عکسونه او ویډیوګانې اخلي او د نورو مخه هم نه نیسي. هر څوک چې په هر هېواد کې وي او له قانون څخه سرغړونه کوي هغه ته د داسې کار کولو اجازه نه ورکول کیږي. ځینې کسان او ډلې له اوسني حکومت څخه ناراضه دي، هر څه چې خولې ته ورځي هغه وايي. دا ظلم دی. تور ته بايد تور او سپين ته بايد سپين ووایو.

ځواب ورکړئ

| 10-28-2023

ما فکر کاوه چې مرتضی او د داعش غړي دواړه له حکومت سره په یو زندان کې بندیان ول او دی ترې په زندان کې تنګ شوی. وروسته مې فکر شو چې دا خوارکی خو له داعشیانو سره بندي و. دوی خو د اسلامي حکومت د راوستلو دعوه کوي خو اعمالو ته یې چې ګوري بني اسرائیلو به له فلسطینیان سره هم دومره ظلم نه وي کړی لکه دوی. په اسلام کې خو په انسان هیڅ د ظلم خبره نه شته. اسلام خو د سولې، مینې او محبت دین دی. ما اورېدلي چې دا حیوان صفته داعشیان خلکو ته د مختلفو شکنجو د ورکولو مختلفې لارې لټوي او هغه ورته انتخابوي چې هیڅ د بشریت په قانون کې نه شته. زما په آند د دغه ډول فرقو جوړول له سیاسي اړخه ور ها خوا د اسلام د بدنامولو لپاره کېږي. که دوی په ریښتیا سره د دین د برپا کېدو فکر لرلی، دوی به انسانانو ته دغه ډول سزاګانې نه ورکولې. بس سړی حیران شي چې نور به څه اورو او څه به کېږي. ټول عمر مو په جنګ او ناندریو کې تېر شو. الله تعالی دې مونږ ټولو ته د نېکۍ هدایت وکړي. الله دې ټول افغانان په اتفاق او اتحاد کړي. نور د جنګونو زور نه لرو. افغانان سخت غریب خلک دي. بې له دې چې سره راټول شي، بله لاره نه شته. څومره چې په ډلو او ګروپونو وېشل کېږو، هومره به خرابېږو. باور وکړئ داسې کورنۍ هم شته چې د سبا او بېګا ډوډۍ نه لري. کاش زمونږ مشران په دې سلاح شي چې ، نور به جنګ نه کوو او سره به راټولېږو. حیران یو چې څه وکړو. مرغۍ هم نه یو چې له دې وطن څخه کوم خوا والوځو. الله دې ظالمان هلاک کړي.

| 10-27-2023

د داعش کار صرف وژنه ده. دوی دا وژنې د ورکړل شوي پلان له مخې کوي، فقط او فقط شعیه مذهبه افغانان وژني، څو د دغو دوو مذهبي ډلو ترمینځ اختلافات را پیدا کړي او په دغه وطن کې د یوې تل پاتې جګړې لپاره زمینه سازي وکړي. خو الحمد لله چې شیعه مذهبه افغانان د پردیپالو په دغو توطیو باندې پوه دي، چې نړۍ غواړي د شیعه او سني ترمینځ داسې درز پیدا کړي، چې غج یې صرف وژل ووسیږي، خو شکر دی دواړه مذهبي ډلې تر دې دمه په دې باندې پوهې دي، چې دا یو پلان شوی کار دی، څو دوی په جګړه سره اخته کړي. که په رښتیا دغه اورته لمن ووهل شوه، نو ترقیامته به بیا دا اور بل وي. زه دېته حیران یم، چې نړیواله ټولنه جمعه امریکا ښه په دې پوهیږي چې ترهګرې ډلې، جمعه داعش دا ټولې په پاکستان کې روزل کېږي او پناه ځایونه یې هم په دغه هیواد کې دي ولې یې مخه نه نیول کېږي؟ له دې معلومیږي چې دا هر څه د نړۍ په خوښه روان دي، خو مسلمان خدای خر کړی او دړی پرې سواره دي !

| 10-26-2023

اوس دا ښه خبر دی چې یو خبریال له زندانه خوشې شوی دی. په دې کې شک نشته چې داعش یوازې خلک وژني، هغوی د انسانیت قاتلان دي. ژورنالیزم او د بیان او رسنیو ازادي صفر ته راټیټه شوې ده. زه په سلګونو داسې خبریالان پېژنم چې دندې نه لري او نه هم اېستل شوي دي. له افغانستانه د اصلي خبریالانو پر ځای جعلي خبریالان اېستل شوي دي.