په ایران باندې فشار دی چې پاکستاني یاغي ډلو ته پناه ورکول ودروي

| 09-05-2023

پاکستان : له جنګ پرته سقوط هغه هېوادونه چې په مصنوعي ډول د سیاسي غرضونو په خاطر جوړ شوي وي، عمر یې هم تر هغه دوام کوي چې سیاسي ضرورت یې محسوس وي. پاکستان د داسې يو هېواد په توګه راتخلیق شوی چې د ملت جوړونې ، دولت جوړونې او هېواد جوړونې رغنده عناصر نه شي پوره کولای. دې هېواد خپل کلتور له هندوستانه، دین له عربستانه او د خاورې زیاته برخه له افغانستاته راخپل کړي دي، تاریخ نه لري ، ملت نه لري او اقتصاد نه لري. شاوخوا ټول ګاونډیان یې له هره پلوه پر ده غښتلي دي. هندوستان هم تاریخ لري ، هم ملت ، هم دولت او هم اوسمهال د نړۍ پنځم اقتصادي قوت دی، پوځي بودجه یې تر پاکستانه نږدې ( لس ځله ) زیاته ده. چین د نړۍ دویم پوځي او اقتصادي ځواک دی، چین هم تاریخ لري ، هم ملت او هم دولت.ایران د نړۍ یو متمدن هېواد دی ، هم تاریخ لري، هم مذهب او هم دولت، له اقتصادي او پوځي پلوه د نړۍ د شلو مطرحو هېوادونو په لیکه کې ودرېږي ، افغانستان ، تاریخ لري ، کلتور لري ، ملت لري ، ابرو او عزت لري ، خپلې خوږې اوبه لري ، قیمتي کانونه لري ، خو اوسمهال متمدن دولت نه لري ، جګړې یې اقتصاد ځپلی خو د پیسو ارزښت یې تر پاکستانه څلور برابره لوړ دی. پاکستان نه تاریخ لري ، نه ملت لري او هم ټینګه عقیده، یوازې پوځ لري او دولت . دولت یې پوځ ساتي او پوځ یې دولت .

| 09-05-2023

د یو هېواد په توګه د پاکستان د بقا دا دوه عنصره ( پوځ او دولت ) نوره هغه پخوانۍ ارګانیکه رابطه نه شي ساتلی ، اوس دا انډول له تزلزل سره مخ دی.د دولت خزانه تشه ده ، دا خزانه نوره د دې جوګه نه ده چې خپل پوځ تغذیه کړي او پوځ هم نور د دې جوګه نه دی چې بې خزانې او بې ګټې دولت وساتي او یا یې وساتلای شي ، که ساتي یې هم نو په کوم قوت او کوم قېمت یې ساتي؟ تر اوسه پورې خو پاکستان له مذهبي کارخونو څخه تغذیه کېده ، په همدې فابریکو کې یې عسکر او پیسې تولیدولي ، اوس نو هغه تولیدات ډېر بازار نه لري ، د کشمیر مسله تقریباً د هند تر کنټرول لاندې ده، د افغان جهاد لپاره نور د عربو او عجمو پیسې نه راځي ، چې پاکستان په کې خپل کمېشن واخلي، امریکا ته نور د منطقې د ژاندارم او دلال رول نه شي لوبولای، امریکا او غربي نړۍ ته هندوستان تر پاکستانه شل ځله زیات ارزښت او درنښت لري، امریکا هند ته د چین پر وړاندې د یو ستراتیژیک ملګري په سترګه ګوري، پاکستان بیا له چین سره د نږدې اړیکو له امله د غربي نړۍ له نظره له سیاسي او اقتصادي انزوا سره مخامخېدونکی دی. پاکستان په نړیوال اقتصادي مارکېټ کې خپل اعتبار دومره بایللی ، چې څوک پرې له ګټې سره سره د پور د ورکړې باور هم نه کوي . خو له بهرنۍ نړۍ سره د هندوستان د کلنیو اقتصادي اړیکو کچه د پاکستان د ټولو کورنیو کلنیو عوایدو تر کچې هم پورته کېږي. پر۲۰۲۲م کال د پاکستان ( GDP) کورني ناخلص ملي عواید او د پیسو کلنی دوران (376,53 ) ملیارده ډالر و ، خو د هندوستان بیا دا رقم (3383,09) ملیاردو ډالرو ته ورسېده، تېر کال د پاکستان د پوځ بودجه نږدې (10) ملیارده ډالره وه او د هندوستان ( 81,4) ملیارده ډالرو ته پورته شوه.

| 09-05-2023

د ځینو ارقامو له مخې پاکستان تر دې دمه شاوخوا ( 124,3) ملیارده ډالره پوروړی دی ، چې هر کال باید لږ تر لږه ( 10) ملیادره ډالره د هغه پور ګټه ورکړي . نړیوال اقتصادي وېسسايټونه وایي اوس هر پاکستانی وګړی (1127) امریکايي ډالر پوروړی دی. په مقابل کې چین ، هند او ایران نه یوازې دا چې پوروړي نه دي ، بلکې نوره نړۍ یې پوروړې ده . زموږ ګلالی افغانستان هم تر پاکستانه ډېر ښه دی ، ژوند یې جګړې ځپلی ، غربت شته، خو د چا پورودي نه دی ؛(۹) ملیارده ډالر مو لا نغد نړۍ سره بند دي. پاکستان سږ کال د خپلو شتو الوتکو لپاره سونتوکي نه شول برابرولای ، خو هندوستان د (۵۰۰) نویو الوتکو د اخیستو اعلان وکړ، په داسې حال کې چې د پاکستان اقتصاد مخ پر ځوړ روان دی ، د وړاندوینو له مخې د هند اقتصاد به د سږ کال په پای کې د (۶،۷ ) سلنې ودې شاهد وي ، په داسې حال کې چې پاکستان د افغانستان خاورې ته سترګې نیولي ، هند په فضا کې له سپوږمۍ څخه خپله غېږه راتاوه کړه او د لمر تر څنډو رسېدونکی ښکاري. پر افغانستان باندې له ګڼو بندیزونو سره سره افغاني هوایي شرکتونو( اریانا او کام ایر) نږدې (۶۰) ملیونه ډالر ګټه تر لاسه کړې ده.د قوشتېپې د سترې پروژې تر څنګ ځینې نورې مهمې پروزې هم تر کار لاندې دي. په داسې حال کې چې افغانۍ په تېرو کلونو کې خپل ثبات ساتلی ، خو پاکستانۍ کلداره د خپل تاریخ تر ټولو ټیټ حد ته رسېدلې ده ، پاکستانۍ کلداره په دوو کلونو کې د انفلاسیون تر ټولو هغه خراب حالت ته رسېدلې چې بانکنوټ په کې د یو عادي کاغذ حد ته راټیټیږي او خپل باور له لاسه ورکوي. د انفلاسیون خراب حالت هغې کچې ته وايي چې پیسې په کې د تېر کال په انډول خپل ارزښت سل سلنه راټيټ کړي ، خو پاکستانۍ کلدارې په تېرو دوه کلونو کې دا حالت څلور ځله غبرګ کړی دی.

| 09-05-2023

دا سې یو حالت د نړۍ په ډېرو کمو هېوادو کې پېښ شوی دی . هر هېواد چې له داسې یو حالت سره مخ شي ، هلته پر خپلې کرنسۍ د خلکو اجتماعي باور له منځه ځي، ټولنیزه او اقتصادی بې ثباتي رامنځته کېږي او ټولنیزه بې ثباتي بیا د حکومتونو د سقوط لامل ګرځي . پاکستان هم همدغسې یوې باریکې نقطې ته رسېدلی دی . پاکستان اوس نه یوازې له اقتصادي بحران سره مخ دی ، بلکې ټولنیزه نارضایتي ، بې ثباتي او بې باوري هم په کې په څپو ده. پخوا به چا د پوځ نوم په پټه هم په بده نه شو اخیستلای ، خو اوس خلک په ډاګه پوځ ته د ترهګر خطاب کوي ، نو که دا حالت څه موده نور هم همداسې دوام وکړي او بیا هم کوم عرب او عجم د پاکستان د نجات لپاره څه نقد سوغاتونه او پورونه ور ونه لېږي ، نو د دې احتمال شته چې پاکستان د یو دولت او هېواد په توګه د سقوط له خطر سره مخ شي. پر اقتصادي بحران سربېره پاکستان د اوبو له بحران سره هم مخ دی ، سیاسي بې ثباتي هم په کې اوج ته رسېدلې ده ، د ملک وارث او مالک هم معلوم نه دی ، هېڅوک د ملک د وراثت او مالکیت احساس نه کوي ، د سیاسي مشرۍ خلا په کې له ورایه محسوس ده . که دا مهال افغانستان کې داسې یو ملي او مترقي حکومت وای چې له نړۍ سره یې ښه اړیکي درلودلای، د هند په شان یې خپلې اوبه مهار کړې وای ، د خپل اقتصاد پیاوړتیا او علمي پرمختیاوو ته یې پام کړی او د مرحوم موسی شفیق په فکر یې خپل اقتصاد ته تر هر څه ډېره پاملرنه کړې وای ، نو د دې زیات احتمال و چې پاکستان ته مو له وسلوالې جګړې پرته په اقتصادي جنګ کې ماته ورکړې وای . د همداسې یو تدبیر او د همداسې یوې ورځې د رسېدو په هیله. پوهاند محمد اسماعیل یون

| 08-25-2023

زه د ډنمارک حکومت د دغه تصمیم هرکلی کوم او د ډنمارک خلکو ته د ښه ژوند هیله کوم. خدای دې وکړي چې د نړۍ ټول ولسونه یو د بل احترام وکړي. کاش چې ټول انسانان یو د بل د مذهب او عقیدې درناوی وکړي. که داسې وشي، زه باوري یم چې په نړۍ کې به جنګونه له ۵۰٪ نه ډېر راکم شي. انسانان به په خوښۍ سره ژوند وکړي. د ډنمارک د عدلیې وزیر پیټر هملګارډ خبریالانو ته وویل حکومت داسې یو قانون وړاندې کوي چې له مخې یې "د مذهبي مقدساتو سره نامناسب چلند منع دی." هغه وویل چې د دې قانون هدف په ځانګړي ډول په عامه ځایونو کې د مقدسو کتابونو د سوځولو او بې حرمتۍ مخنیوی دی. هملګارډ وویل چې د قران سوځول "له سپکاوي ډک او بې رحمه عمل" دی چې "ډنمارک او د ډنمارک ګټو ته زیان رسوي." نوی قانون به د ډنمارک د جزا قانون په دولسم فصل کې شامل شي، کوم چې ملي امنیت پوښي. هملګارډ وویل چې د قران په سوځولو د بندیز "انګیزه" ملي امنیت ته پېښ ګواښونه وو. هغه وویل: "موږ نشو کولی لاس تر زنې کښینو په داسې حال کې چې یو شمیر کسان هر هغه څه کوي چې د خلکو احساسات او له تاوتریخوالي ډک غبرګونونه راوپاروي." ددغه قانون له مخې به انجیل، تورات، صلیب او نورو مقدسو مذهبي کتابونو او نښو ته هم سپکاوی منع وي. ددغه قانون ماتوونکي له نقدي جریمې او دوه کاله بند له سزا سره مخامخ کیږي.

| 08-19-2023

دا یوه نوې موضوع ده چې ایران په خپله خاوره کې پاکستاني جنګیالیو ته پناه ورکړې ده. دغو دوو اسلامي هېوادونو د افغانستان په جګړه کې د ښکېلو ډلو ملاتړ کړی چې افغانستان په کنډوالې بدل کړي. د افغانستان پر وړاندې د دغو دوو هېوادونو موخه دا وه چې په هر ډول ممکنه توګه افغانستان وران کړي. اوس دا دواړه هېوادونه په سړه جګړه کې ښکېل دي. که دا دواړه هېوادونه په [ګرمه] جګړه کې ښکېل شي، ښايي په افغانستان کې جګړه پای ته ورسېږي. د افغانستان جګړه تل د دغو دوو هېوادونو له خوا توده شوې ده. ایران او پاکستان په افغانستان کې دننه د یوې ډلې جنګیالیو ملاتړ کړی او هغو ډلو ته یې د جګړې تجهیزات ورکړي چې افغانستان بې ثباته کوي. له الله تعالی څخه غواړو چې هر هغه هېواد چې په افغانستان کې جګړه غواړي په خپله په جګړه کې ښکېل کړي. دغو دوو هېوادونو افغانستان تباه کړ. خدای دې وکړي چې د دغو دواړو هېوادونو حالات زموږ تر دې هم بدتر شي. څاه جوړونکی تل په څاه کې وي.

| 08-18-2023

مامخکې هم ویلي ول، چې ایران او پاکستان دواړه په نړۍ کې د ترهګرۍ د تقویت او ملاتړ ځالې دي. دا اوس ښه لوبه روانه ده، چې ایران په کستان او پاکستان په ایران کې د یو بل پرضد ترهګرې ډلې تقویه کړي او انتحار او انفجار ته زور ورکړي. ددې دواړو هیوادنو له لاسه، خو زموږ دا څلور لسیزې ښه ورځ نشته. بس په دې ارمان یم، چې دا دواړه هیوادونه لکه اوکراین وران ویجاړ شي، ایله به مې زړه پرې یخ شي

| 08-17-2023

زه خو چې د پاکستان نوم لولم یا اورم، ذهن ته مې ترهګر او ترهګري راځي. دلیل یې دا دی چې د دغه هېواد له تاسیس راهیسې، افغانستان، کشمیر، هندوستان، ایران او حتی د هند سمندر ماهیان د پاکستان د پوځ او استخباراتو د ترهګریزو فعالیتونو له امله په ستونزو کې شپې ورځې تېروي. دغه خبیث پوځ او آی اېس آی د تېرو ۴۵ کالونو په ترڅ کې په افغانستان کې په لکونو افغانان ووژل او داسې یې ووژل چې پخپله د افغانانو په لاس یې ووژل. اکثر افغان وسله وال ګروپونه چې د تېرو څلورو لسیزو په ترڅ کې یې د افغانستان د مرکزي حکومت پر ضد فعالیت کړی، د پاکستان او یو شمېر یې د ایران له خوا تربیه او حمایه شوي دي. په هند کې هم چې هر څه ترهګریز فعالیت شوی، تر شا یې د پاکستان لاس دی. په امریکا کې که ترهګریز برید شوی، تر شا یې د پاکستان یا پاکستاني لاس دی. زه دې ته حیران یم چې نړۍ واله ټولنه ولې دغه خبیث مملکت د هغه په ترکیبي اجزاوو؛ پښتونستان، بلوچستان، سندودیش او پنجاب نه تقسیموي چې هم یې افغانستان له شر څخه خلاص شي هم هندوستان، ایران او هم د نړۍ نور سوله خوښي هیوادونه؟