۴۳ اورپکي ووژل شول؛‌ د طالبانو تش په نامه مشر ونیول شو

د سټاف راپور

اروزګان -- خامه پرېس د پنجشنبې په ورځ / د اپریل ۶ مه/ د افغانستان د دفاع وزارت له قوله وویل،‌ د تېرو ۲۴ ساعتونو په ترڅ کې د هېواد په بېلابېلو برخو کې د عملیاتو په ترڅ کې لږ تر لږه ۴۳ تنه اورپکي ووژل شول او د طالبانو یو تش په نامه ولسوال ونیول شو.‌

د دفاع وزارت وویل،‌ د اروزګان ولایت په ترینکوټ ولسوالۍ کې یوه هوایي برید یو موټر چې په چاوېدونکو توکو سمبال وو وچاداوه،‌ او لږ تر لږه ۲۰ تنه اورپکي یې ووژل.‌

د دفاع وزارت وویل،‌ نورو عملیاتو ۱۰تنه اورپکي په هرات ولایت، ۶ په هلمند ولایت او ۶ نور په پکتیکا ولایت کې ووژل.‌

عسکرو یو بل اورپکی د زابل ولایت په شاه جوی ولسوالۍ کې وواژه.‌

خامه پرېس راپور ورکړ چې د ملي امنیت ریاست له یوې وسله والې جګړې څخه وروسته د سمنګان ولایت د حضرت سلطان ولسوالۍ لپاره د طالبانو له خوا ټاکل شوی یو تش په نامه ولسوال ونیو.‌

آیا دا لیکنه ستاسو خوښه شوه؟

0
0
نه
0 تبصره
د تبصرو تګلاره Captcha