|

د کندوز په هوایي برید کې د ملکي تلفاتو په هکله څېړنې روانې دي

سلام ټایمز

کابل -- خامه پرېس راپور ورکړ، چې په کندوز ولایت کې د دوشنبې په ورځ /د وري ۱۳مه/ له یوه هوایي برید څخه ادعا شوي ملکي تلفاتاصلاً د طالبانو له خوا شوي دي.‌

افغان امنیتي سرچینو د نوم نه ښودلو په شرط ای اېف پي ته ویلي، چې دغه هوایي برید په دشت برچي ولسوالۍ کې یوه مدرسه وویشتله، چې د طالبانو د قوماندانانو په شمول لږ تر لږه ۵۹ کسان یې ووژل.‌

عیني شاهدانو وویل، په تلفاتو کې ملکي کسان موجود ول. ملګرو ملتونو د سې شنبې په ورځ /د وري ۱۴مه/ وویل، هغوی په هوایي برید کې د ماشومانو په شمول «ملکي خلکو ته د ور اوښتو سختو زیانونو د راپورونو په هکله» څېړنې کوي.

د دفاع وزارت ویاند محمد رادمنش د سې شنبې په ورځ په کابل کې په یوه خبري کانفرانس کې وویل، د افغان اردو څرخکو د کره استخباراتي معلوماتو په اساس په یاده ولسوالۍ کې د طالبانو په مرکز دغه هوایي برید ترسره کړ.‌

هغه وویل، له برید څخه مخکې په دغه ځای کې یوازې طالب اورپکی او د هغوی مشران موجود ول، او له هوایي برید څخه مخکې د ساحې اخیستل شوي عکسونه یې وړاندې کړل.

د رادمنش په وینا، د افغان اردو څرخکو په مدرسه راکټونه ورخوشې کړل،‌ او اورپکو بېرته په الوتکو ډزې وکړې.

هغه وویل، طالب یاغیانو وروسته په ملکي خلکو باندې د وړو وسلو ډزې وکړې.

آیا دا لیکنه ستاسو خوښه شوه؟

Ca mobile no 3

0 تبصره

* ضروري برخې ښيي
Captcha

مهم خبرونه

د مشرانو له خوا د هغو قوماندانانو په لیرې کولو سره، چې تاوتریخوالی نه کوي، د طالبانو تر منځ اختلاف زیات شوی دی

په هرات کې د طالبانو مشرانو ډېر هغه قوماندانان له خپلو موقفونو څخه لیرې کړي چې نه غواړي جنګ ته دوام ورکړي.

د رایو شمېر

آیا د وري د میاشتې د ولسمشرۍ له انتخاباتو څخه مخکې د افغان حکومت او طالبانو تر منځ‌ د سولې تړون ممکن دی؟

نتایج وګورئ