http://afghanistan.asia-news.com/ps/articles/cnmi_st/newsbriefs/2017/03/31/newsbrief-02

په تخار کې د طالبانو د هاوان په برید کې ښځې او ماشومان ووژل شول

د سټاف راپور

تالقان -- د پژواک خبري اژانس د راپور په اساس، پولیسو د پنجشنبې په ورځ / د مارچ ۳۰ مه/ وویل چې د هاوان یوې ګولۍ چې د راپورونو له مخې طالبانو وار کړې وه د تخار ولایت په خواجه بهاءالدین ولسوالۍ کې پنځه تنه افغانان ووژل.

د پولیسو چارواکي محفوظ الله اکبري پژواک خبري اژانس ته وویل چې اورپکو په یاده ولسوالۍ کې د پولیسو د تلاشۍ په یوه پوسته د هاوان ډز وکړ، او زیاته یې کړه چې یوه ګولۍ په یوه کور ولګېده.

هغه زیاته کړه چې په وژل شویو کې د عین کورنۍ ښځې او ماشومان هم شامل وو.

آیا دا لیکنه ستاسو خوښه شوه؟
0
نه
0 تبصره
د تبصرو تګلاره
Captcha