|

طالب اورپکو په هرات کې په یوه کمین کې ۹ تنه پولیس افسران ووژل

ای اېف پي

هرات -- چارواکو د جمعې په ورځ /د وري ۲۴مه/ وویل، چې طالب اورپکو په لویدیځ ولایت هرات کې د تلاشۍ یوې پوستې ته کمین نیولی وو او لږ تر لږه ۹ تنه پولیس افسران یې ووژل.

چارواکو وویل، اورپکو د جمعې په شپه /د وري ۲۳ مه/ په شینډنډ ولسوالۍ کې د تلاشۍ په یوه پوسته برید وکړ چې څو ساعته دوام یې وکړ.

د هرات د والي ویاند جېلاني فرهاد ای اېف پي ته وویل، د سړک د غاړې یوه بم دوه نور پولیسان، چې د تلاشۍ پوستې ته د ملاتړ لپاره په لاره ول، ووژل، او څلور نور یې ټپیان کړل.‌

دغه برید یوه ورځ وروسته له هغه کیږي چې طالب جنګیالیو په جنوب ختیځ ولایت غزني کې د یوې ولسوالۍ په حکومتي ودانۍ برید وکړ،او د ولسوال په شمول لږ تر لږه ۷ کسان یې ووژل.

په طالبانو باندې فشار دی چې د ولسمشر غني د سولې د خبرو کولو پلان ومني، خو هغوی تر اوسه پورې دغه وړاندیز ته نېغ په نېغه ځواب نه دی ورکړی.

آیا دا لیکنه ستاسو خوښه شوه؟

Ca mobile no 0

تبصره

* ضروري برخې ښيي
Captcha

مهم خبرونه

نادر ورېښمین قران کریم د افغانستان د کلتوري میراث په ساتلو کې مرسته کوي‌

هغه خطاطان چې کار یې پرې کړی، وایي، د دغه قران کریم بشپړولو دوه کاله وخت نیولی او له مذهبي او هنري اړخه 'بې ساري ارزښت' لري.‌

د رایو شمېر

څومره احتمال لري چې په طالبانو کې به له وروستي اوربند څخه، چې په یاده ډله کې یې وېشونه وښودل، وروسته،‌ درزونه رامنځته شي؟

نتایج وګورئ