|

غني وایي، حکومت تیار دی چې له طالبانو سره د هېواد په هره برخه کې خبرې اترې وکړي

سلام ټایمز

کابل -- د غني دفتر د چارشنبې په ورځ /د چنګاښ ۶ مه/ په یوه اعلامیه کې وویل، چې ولسمشر اشرف غني یو ځل بیا په طالبانو غږ وکړ چې له افغان حکومت سره د سولې خبرې وکړي ځکه چې ولس سوله غواړي.

هغه دا خبرې د سې شنبې په ورځ /د چنګاښ ۵ مه/ په کابل کې د ولسمشرۍ په ماڼۍ کې د سولې د عالي شورا او د افغانستان د علماو د شورا په یوه غونډه کې وکړې.

غني وویل، حکومت به له طالبانو سره د هېواد په هره هغه برخه کې، چې دغه ډله یې انتخابوي، خبرې اترې وکړي.

طلوع نیوز د غني له قوله راپور ورکړ چې ویل یې، «آیا داسې مسئله شته چې طالبانو راپورته کړې وي او مونږ نه وي حل کړې؟ که ستونزه په افغانستان کې د خارجي قواو د حضور وي، راځئ چې یو له بل سره خبرې وکړو،»

هغه زیاته کړه، «دا د سیمې د هېوادونو لپاره سخته ده چې د جګړې په هکله تصمیم ونیسي، او دا ورته اسانه ده چې د سولې په هکله فیصله وکړي،»

آیا دا لیکنه ستاسو خوښه شوه؟

Ca mobile no 0

0 تبصره

* ضروري برخې ښيي
Captcha

مهم خبرونه

له جګړې او طالبانو څخه ستړي شوي د هرات اوسېدونکي د سولې هیله کوي

د اورپکو له خوا په هېواد کې د څو کالو له تاوتریخوالي څخه وروسته محلي خلک په یوه غږ سره یوځای شوي او د سولې په هیله نیالګي کري.

د رایو شمېر

څومره احتمال لري چې طالبان به د چنګاښ په میاشت کې د ولسمشرۍ انتخاباتو څخه مخکې له افغان حکومت سره مخامخ د سولې خبرې ترسره کړي؟

نتایج وګورئ