کابل -- رادیو آزادی به نقل از مقامات تاجیکستان به روز دوشنبه (۷ اسد) گزارش داد که افغانستان یک مظنون ۱۹ ساله تاجیک وابسته به داعش را به آن کشور تسلیم نمود.
شودیجون بویف اولین شهروند تاجیک است که برای مبارزه به نفع داعش در افغانستان محکوم می باشد.
نیروهای خاص ایالات متحده بویف را در ولایت ننگرهار دست گیر کردند و به اساس منابع رادیو آزادی، افغانستان این شخص را در اوایل ماه سرطان به کولاب تاجیکستان تسلیم کرد.
پدر بویف گفت، بویف در سال ۱۳۹۵ بخاطر کار ساختمانی به روسیه رفت و از آنجا به ترکیه، ایران و سپس به افغانستان سفر کرد.
بویف از ماه جدی سال ۱۳۹۶ بدینسو زمانیکه یک سارنوال شهر کولاب اعلام کرد که او شواهد اشتراک بویف در داعش را در دست داشت در تاجیکستان تحت تعقیب بوده است.
علاوه بر این، رادیو آزادی گزارش داد که مقامات تاجیکستان به روز یکشنبه (۶ اسد) بیش از ۸۰ زندانیان افغان را به افغانستان انتقال داد.
مراسم تسلیمی مجرمین در مرز پنج پایان صورت گرفت.
این ۸۰ افغان حبس باقی مانده شان را در افغانستان سپری خواهند کرد.
بیش از ۱۰ افغان دیگر که مخصوصآ خطرناک پنداشته می شوند در توقیف در تاجیکستان باقی می مانند.
