کابل -- په افغانستان کې په جلا جلا حملو او امنیتي عملیاتو کې لږ تر لږه ۳۴ تنه اورپکي او ۵ تنه افغان عسکر ووژل شول.
طلوع نیوز د کندهار د والي د ویاند صمیم خپلواک له قوله راپور ورکړ چې د سپتمبر په ۱۹مه د دغه ولایت په کیخي کوتل سیمه کې په یوه نظامي پوسته باندې د طالبانو په یوه حمله کې لږ تر لږه ۵ تنه افغان عسکر ووژل شول او ۲ تنه نور ټپیان شول.
خپلواک وویل چې طالب حمله کوونکیو ته هم تلفات ور واوښتل، او زیاته یې کړه چې د سپتمبر په ۱۹مه د دغه ولایت په خان شین ولسوالۍ کې د جلا امنیتي عملیاتو په ترڅ کې ۵ تنه طالب اورپکي ووژل شول.
په عین حال کې، خامه پرېس د سپتمبر په ۲۰مه د ننګرهار ولایت د امنیې قوماندانۍ د یوې اعلامیې په اساس راپور ورکړ چې افغان امنیتي ځواکونو د دغه ولایت په هسکه مېنه، کوټ او اچین ولسوالیو کې د جلا جلا هوایي عملیاتو په ترڅ کې د داعش لږ تر لږه ۲۹ تنه جنګیالي ووژل.
