https://afghanistan.asia-news.com/ps/articles/cnmi_st/newsbriefs/2017/03/13/newsbrief-02

په ننګرهار او هلمند کې ۵۱ اورپکي ووژل شول

د سټاف راپور

کابل -- رسنیو راپور ورکړ چې، په ننګرهار او هلمند ولایتونو کې په وروستیو جګړو کې لږ تر لږه ۵۱ تنه اورپکي او ۹ تنه امنیتي پرسونل ووژل شول.

خامه پرېس د یکشنبې په ورځ / د مارچ ۱۲مه/ راپور ورکړ چې د ولایت د مطبوعاتو دفتر په یوه خبرپاڼه کې وویل، د ننګرهار ولایت په درې ولسوالیو کې هوایي او ځمکنیو عملیاتو د طالبانو ۱۱ غړي او د داعش ۹ غړي ووژل.

په جګړه کې ۹ تنه سرتېري هم ووژل شول.

د ازاد افغانستان د راډېو د راپور له مخې، د هلمند ولایتي ادارې د یکشنبې په ورځ په یوه خبرپاڼه کې وویل چې، سرتېرو په هلمند ولایت کې ۳۱ تنه طالبان ووژل.

په عین حال کې، د خامه پرېس د دوشنبې / د مارچ ۱۳مه/ د یوه راپور په اساس، د افغان ملي اردو ویاند جنرال محمد رسول ځاځي وویل، امنیتي ځواکونو د هلمند ولایت په نادعلي ولسوالۍ کې د طالبانو له یوه جېل څخه لږ تر لږه ۳۲ تنه پولیس افسران وژغورل.

آیا دا لیکنه ستاسو خوښه شوه؟
0
نه
0 تبصره
د تبصرو تګلاره
Captcha