لغمان -- خامه پرېس د چارشنبې په ورځ /د اکتوبر ۱۱مه/ راپور ورکړ، چې ۵ تنه طالب اورپکي هغه وخت ووژل شول او ۸ نور ټپیان شول چې د هغوی په لاس جوړه چاودېدونکې وسیله په لغمان ولایت کې پخپله په هغوی وچاودېدله.
د افغان ملي اردو د ۲۰۱ سېلاب قول اردو د چارواکو په وینا، دغه چاودنه هغه وخت رامنځته شوه چې اورپکو دغه په لاس جوړه وسیله د الینګار ولسوالۍ په سنګر دره سیمه کې د یوه سرک تر غاړې ښخوله.
چارواکو وویل، چې په وژل شویو کې د طالبانو یو ځایي قوماندان، مولوي قاسم، هم شامل دی.