کوالا لمپور، مالیزیا-- د اسیا د کرکټ د شورا (ای سي سي) وېب سایټ لیکلي، چې د افغانستان له ۱۹ کالو څخه د کم عمر لوبغالو کرکټ ټیم په مالیزیا کې د جمعې په ورځ /د نومبر ۱۷مه/ نېپال ته په ماتې ورکولو سره، د ځوانانو د اسیایي کپ پایلوبو ته پر مخ روان دی.
افغان ټیم نېپال ته په ۷ وېکټو ماتې ورکړه او د یکشنبې په ورځ /د نومبر ۱۹مه/ به په پایلوبو کې د پاکستان پر ضد مقابلې ته وځي.
دغه ټیم خپله لومړنۍ لوبه د دې ټورنامنټ په ترڅ کې د نومبر په ۸ مه له پاکستان څخه ګټلې وه.
دا لومړی ځل دی چې افغانستان له ۱۹ کالو څخه د کم عمره لوبغاړو په کپ کې د ای سي سي (د اسیا د کرکټ شورا) پایلوبو ته رسېدلی دی.
یو وخت ما په پاکستان کې ژوند کاوه. موږ خپل د کرکټ ټیم نه درلود، نو د نورو هېوادونو لوبې به مو کتلې او د پاکستان د بریا په لیدو به ډېر خوشحاله وو. دا یو ښه پرمختګ دی چې اوس زموږ هېواد یو پیاوړی د کرکټ ټیم لري. دوی کولی شي د نورو هېوادونو له پیاوړو ټیمونو سره سیالي وکړي او د هیواد لپاره بریا راوړي. کله چې لوبه پیلېږي او موږ خپل ملي سرود وایو، د خوښۍ له امله زموږ سترګې له اوښکو ډکيږي. د درې رنګه بیرغ په لیدو، موږ ته دا هیله پیدا کېږي چې، که د الله رضا وه، زموږ هېواد به بیا اباد شي. کله چې په نورو هیوادونو کې خپل درې رنګه بیرغ وینم او خپل ملي سرود اورم نو ډیر د خوښۍ احساس کوم. په افغانستان کې یواځینی شی چې د افغانانو پر خفه څېرو خوشحالي راولي، د افغانستان د کرکټ ملي ټیم بریا ده، چې افغانان یې له بریاوو سره خوشحالوي. د افغانستان د کرکټ ملي ټیم زنده باد.
ځواب ورکړئ1 تبصره