https://afghanistan.asia-news.com/ps/articles/cnmi_st/newsbriefs/2018/06/22/newsbrief-02

د امریکا د جمهور رییس مرستیال او غني د سولې د پروسې او له طالبانو سره د اوربند په اړه خبرې وکړې

سلام ټایمز

کابل -- د غني دفتر په یوه اعلامیه کې وویل، چې ولسمشر اشرف غني او د متحده ایالاتو د ولسمشر مرستیال مایک پېنس د پنجشنبې په ورځ /د غبرګولي ۳۱ مه/ په یوه ټیلیفوني تماس کې د سولې د خبرو او له طالبانو سره د اوربند په هکله خبرې وکړې.‌

اعلامیه وایي، پېنس له طالبانو سره د اوربند کولو په هکله د غني د پرېکړې هرکلی وکړاو د ولسي جرګې له انتخاباتو څخه یې، چې په پام کې ده د تلې په ۲۸ مه ترسره شي، ملاتړ څرګند کړ.‌

د سپینې ماڼۍ د اعلامیې په اساس، پېنس «له افغان حکومت او امنیتي ځواکونو سره د مشارکت په برخه کې د متحده ایالاتو او د نړیوالې ټولنې ژمنتیا تکرار کړه،»

سپینې ماڼۍ زیاته کړې چې پېنس د افغانستان د جګړې د پای ته رسولو لپاره د خبرو اترو په برخه کې «د پرمختګ لپاره د غني هڅې وستایلې».‌

آیا دا لیکنه ستاسو خوښه شوه؟
1
نه
0 تبصره
د تبصرو تګلاره
Captcha