اروزګان -- د افغان ملي اردو ۲۰۵ اتل قول اردو د پنجشنبې په ورځ /د زمري ۳۱مه/ په یوه اعلامیه کې وویل چې افغان ملي دفاعي او امنیتي ځواکونو چې افغان کمانډو ځواک یې مشري کوله په اروزګان ولایت کې د عملیاتو په ترڅ کې لږ تر لږه ۲۰ تنه طالب اورپکي ووژل.
اردو د پېښې د وخت په هکله د جزیاتو له ورکولو څخه پرته وویل، دغو عملیاتو چې په چارچینو ولسوالۍ کې ترسره شول د اورپکو اړوند د وسلو دوه ډیپوګان ویجاړ کړل.
طالبانو په دې هکله سمدلاسه څه نه دي ویلي.