امنیت

|

حکمتیار له طالبانو سره د روسانو 'ارتباط' تایید کړ

سلام ټایمز


ګلبدین حکمتیار د اګست په ۵ مه په کابل کې په یوه خبري کانفرانس کې د خبرو کولو پر وخت لاس پورته نیولی دی. [وکیل کوهسار/ای اېف پي]‌

ګلبدین حکمتیار د اګست په ۵ مه په کابل کې په یوه خبري کانفرانس کې د خبرو کولو پر وخت لاس پورته نیولی دی. [وکیل کوهسار/ای اېف پي]‌

کابل -- د اورپکو پخواني قوماندان او د طالبانو د یوه وخت متحدګلبدین حکمتیارتایید کړې چې روسیه د طالبانو ملاتړ کوي.‌

حکمتیار له الجزیرې سره په یوه مرکه کې، چې د نومبر په ۱۹مه خپره شوهوویل،‌ «د طالبانو او مسکو تر منځ اړیکه شته،‌ او زه پوهېږم او اورم چې روسیه د طالبانو قوي ملاتړ کوي،»‌

حکمتیار او د هغه غیرفعال حزب اسلامي اورپکي ګروپ له افغان حکومت سره د ۲۰۱۶ په سپتمبر کې د سولې یو تړون لاسلیک کړ.

د هلمند د والي پخواني مرستیال محمد جان رسولیار سلام ټایمز ته وویل،«دوه کاله مخکې... ډېر داسې شواهد موجود ول چې ایران د طالبانو ملاتړ کوي،خو د افغانستان د استخباراتو راپورونه ښیي چې له ۲۰۱۴ راهیسې، د ایرانیانو تر څنګ روسانو هم له طالبانو سره اړیکې جوړې کړي او هغوی ته وسلې او مالي مرستې ورکوي،»

د کرېملېن هدفونه

هغه وویل، روسیه ځکه د طالبانو ملاتړ کوي چې هغوی «غواړي چې د هغوی سرحدونو او هغو هېوادونو ته چې د هغوی تر نفوذ لاندې دي، د جنګ د ورخپرېدلو مخه ونیسي. هغوی غواړي چې روان جنګ په افغانستان کې دننه ایسار کړي.»

په ولسي جرګه کې د کابل یوه استازي ذکریا ذکریا وویل، «د طالبانو د ملاتړ کولو له لارې، مسکو پلان لري چې د افغانستان وضعه لا نوره پېچلې کړي، او په دې توګه د نړیوالې ټولنې، په ځانګړې توګه د متحده ایالاتو حضور تر پوښتنې لاندې راشي،»

هغه وویل، «مسکو په افغانستان کې د لوېدیځوالو حضور د ځان لپاره یو خطر ګڼي، له دې امله، روسان غواړي چې په افغانستان کې د طالبانو، حقاني شبکې، او ان ځینې نورو ډلو ملاتړ وکړي، او په دې توګه نه یوازې په افغانستان باندې کنټرول ولري بلکې همدارنګه په دغه هېواد کې لوېدیځوال ژوبل هم کړي.»

[له کابل څخه سلیمان د دې راپور په برابرولو کې همکاري کړې ده.]

آیا دا لیکنه ستاسو خوښه شوه؟

Ca mobile no 10

تبصره

* ضروري برخې ښيي
Captcha

3 تبصرې

Shakh breat | 01-13-2018

hasi chatyat wayee

Ulo'gbig | 12-07-2017

ګلبدین راکټیار [حکمتیار: له قصده راکټیار ګڼل شوی]‌ د غرب یو غلام او د اشرف غني د حکومت یو چارواکی دی، دغه معاصر فالبین یو ځل بیا غواړي چې وطن د ګډوډۍ خوا ته ورکش کړي... هغوی دا درک کړې ده چې د غرب له خوا د افغان حکومت اوسنی ملاتړ مؤثر نه وو او دا چې خلک په تدریج سره له شرق، او په ځانګړې توګه ګاونډي هېواد روسیې سره علاقه مندي ښیي.‌ هغه د خپلو تشو او بې ګټې خبرو له لارې، د غرب د یوه غلام په توګه غواړي چې یو ځل بیا زمونږ خلک د خپل حامي، یعنې متحده ایالاتو، خوا ته ورټېله کړي،‌ خو اوس خلک بیدار دي...

Nazifullah | 12-01-2017

حکمتیاره ته خو عالم یی ته شیخ الحدیث یی په تا سه وشول چی دبلعم بن باعورا وینا کوی .آیا هغه جهاد چی تا دروسانو په مقابل کی دوه میلونه شهیدان ورکرل .هغه بیان چه تا ویل چه هر .......

مهم خبرونه

نادر ورېښمین قران کریم د افغانستان د کلتوري میراث په ساتلو کې مرسته کوي‌

هغه خطاطان چې کار یې پرې کړی، وایي، د دغه قران کریم بشپړولو دوه کاله وخت نیولی او له مذهبي او هنري اړخه 'بې ساري ارزښت' لري.‌

د رایو شمېر

څومره احتمال لري چې په طالبانو کې به له وروستي اوربند څخه، چې په یاده ډله کې یې وېشونه وښودل، وروسته،‌ درزونه رامنځته شي؟

نتایج وګورئ