بدخشان، افغانستان -- خامه پرېس د پنجشنبې په ورځ /د مارچ ۹مه/ راپور ورکړ چې طالبانو په بدخشان کې یوه ښځه په هغې د زنا د تور له لګولو څخه وروسته تر مرګه په تیږو وویشتله.
د وردوج ولسوال دولت محمد خاور تایید کړه چې دغه پېښه په وردوج ولسوالۍ کې وشوه. هغه زیاته کړه چې طالبانو په قضیه کې ښکېل سړی په دورو وواهه.
د خامه پرېس د راپور له مخې، اورپکو په دغه ولایت کې د هغوی له خوا د اخلاقو د تعریف شوي مفهوم په نه مراعت کولو سره په تېرو دوه کلونو کې پنځه ښځې وژلي دي، چې دوه کسه یې په فبرورۍ کې وې.