کابل -- د طلوع نیوز د راپور په اساس، د اردو یوه چارواکي د سې شنبې په ورځ / د می۲ مه/ وویل، چې د کابل د سردار داودخان پوځي روغتون د بیا رغونې له بشپړتیا څخه وروسته بیا پرانستل شو.
اورپکو په دغه روغتون د مارچ په میاشت کې برید وکړ او لږ تر لږه ۵۰ افغانان یې ووژل.
د افغان ملي اردو د روغتیایي پاملرنې د خدمتونو رییس عبدالرزاق سیاوش وویل، هغه ناروغان چې په لنډمهالي ډول په نورو روغتونو کې تر تداوۍ لاندې نیول شوي ول بېرته هلته داخل کړای شول.