کابل -- د خامه پرېس د راپور له مخې، د افغانستان کرکټ بورډ د چارشنبې په ورځ / د جون ۲۸ مه/ د ماریلبون کرکټ کلب په وړاندې د مېچ لپاره چې د جولای په ۱۱مه په لندن کې ترسره کیږي، د ملي ټیم د لوبغاړو نوملړ اعلان کړ.
د افغانستان د کرکټ بورډ د راپور له مخې، یو ورځنی نړیوال مېچ د افغان کرکټ لپاره یو «نوی فصل» دی. افغان کوچونو دا غوښتنې کولې چې د ټاپ ټیمونو په وړاندې د مېچونو ترسره کولو لپاره دې فرصت ورکړل شي چې افغان لوبغاړي د اړتیاوړ تجربه ترلاسه کړي.
